Minister Maduro kier espacio di CAFT pe corigi errornan den su plan financiero FEM

371

Dialuna mainta Minister Maduro a splica riba un discucion cu tin cu CAFT riba cierto projeccionnan di prespuesto.

Entre otro Minister Maduro a splica cu den e plan cu Gobierno mes a traha na Januari/Febuari 2018,  tabatin algun error.  Awor e minister ta splica cu e errornan aki ta debi cu e plan a wordo traha bao precion di CAFT.

Loke tin poni den e plan cu ta yama FEM, mester wordo ahusta.

E FEM lo ta contene un plan financiero pe proximo anjanan pa cual CAFT ta tene duro na e plan aki y ta yame un “done deal” of un “afspraak” y ta exigi pa cumpli cune.

Esaki ta loke nos redaccion por compronde di e discucion andando for di declaracion haci dor di e minister.

Di otro banda Minister Maduro a bisa cu awor CAFT kier sinta den stoel di minister, dor di bini cu exigencianan cual e mandatario ta haya irrealistico.

Te hasta Minister a usa un expresion fuerte, bisando cu awor CAFT kier bin choca hende.

Kico awor?

Gobierno a manda contesta pa CAFT, mientras Gobierno ta bezig cu Hulanda pa yega na un protocol nobo pa CAFT por sigui funcciona.

Mas cu claro Gobierno lo spera di por convence CAFT pa “tone down”,  of si esey no logra, semper CAFT por acudi na su hefe cu ta Gobierno di Reino (Lesa Gobierno di Hulanda).

LEAVE A REPLY

Please enter your comment!
Please enter your name here