Ministerio Publico: Tres periodista deteni den investigacion

733

Tres periodista deteni den investigacion

Landsrecherche a detene awe tres persona relaciona cu un investigacion di ladronicia, desfalco y/of heling di radio di polis di Cuerpo Policial di Aruba. Den e investigacion a haci tambe cinco huiszoeking, caminda a confisca entre otro, un radio di polis (portofoon).

Ministerio Publico por confirma cu e tres personanan deteni ta traha como periodista y cu nan ta wordo sospecha di a haci nan mes culpable di ladronicia of heling di un of mas portofoon di KPA. Un di e huiszoekingnan a wordo haci den cas di un trahador di KPA.

Landsrecherche a cuminza e investigacion entre otro, riba sospecho cu un of mas periodista lo ta den posesion di un radio di polis. E sospecho aki ta atacha integridad di Cuerpo Policial di Aruba. Ademas ta considera inacceptable cu personanan cu no ta autoriza por haya conocimento di comunicacion confidencial policial via portofoonnan. Esey ta daña investigacionnan penal y ta viola privacidad di esnan envolvi.

E investigacion ta continua.

 

LEAVE A REPLY

Please enter your comment!
Please enter your name here