Minister Dangui Oduber a duna un reaccion riba comerciante Sr. Francis Saladin relaciona cu su critica riba desicion di Gobierno, cu ta dificulta su compania pa sigui importa producto. Segun Minister Oduber a splica cu el’a duna e ordo na Minister di Finansas pa pone un prijs maximo.  Esey no ta pa perhudica comerciante, sino pa proteha e pueblo.  Lesa aki su reaccion!

Minister di salud Dangui Oduber ta informa comunidad di Aruba lo siguiente:

Update Covid-19
Como minister di salud ami a conseha mi colega MinFec pa pone un prijs maximo riba algun producto pa temporada di crisis. En bista cu communidad mester tin acceso na e productonan aki.
Nos NO kier perhudica ningun comerciante, ningun wholesaler, nos kier PROTEHA nos communidad y pone un prijs maximo pa productonan cu ta necesario den temporada di crisis. Pueblo MESTER tin acceso na e productonan aki na un PRIJS cu nan POR paga. Ban NOS TUR HUNTO COOPERA y mustra solidarismo den temponan dificil.
E ta DIFICIL pa NOS TUR y ta pesey hunto so lo por sali afor.
E decision di colega MinFec ta pa algun siman den temporada di mas dificil cu mundo a conoce. Nos ta spera comprension di comercio pa cu esaki.

LEAVE A REPLY

Please enter your comment!
Please enter your name here