Parlamentario Endy Croes ta refuta rotundamente cu mensensmokkel lo a tuma luga

340

Aruba Softball Bond ta atendiendo caso di personanan cu a keda atras:

Parlamentario Endy Croes ta refuta rotundamente cu mensensmokkel lo a tuma luga

 

Parlamentario Endy Croes, den su calidad di presidente di Aruba Softball Bond desde 2010 y cada 2 aña ta wordo reeligi, a splica durante di un entrevista radial, riba un entrevista na Canal 90 di Speed Andrade cu hopi rabia den su curpa.

Tambe parlamentarionan cu a haci algun acusacion cu nan a bin ta haci. Croes a splica cu semper ta sali pa aclarea cualkier situacion. Ta trata acusacionnan di Mensensmokkel. Aparentemente nan kier pone Croes den un luz negativo cu ta trece hende, esta smokkel hende trece Aruba y laga nan aki.

 

Aruba Softball Bond

Manera ya indica Endy Croes ta presidente di Aruba Softball Bond desde 2010. Nan tin un directiva y ta un rechtspersoon. Nan ta liga esaki na diferente torneo y campeonatonan internacional, cu Aruba Softball Bond a trece.

Nan ta organisando Champ of the Champs ya pa 12 aña caba, prome cu Croes a bira presidente. Nan ta trece una verahe di 8 pa 10 team pa aña.

A bin compronde cu den 2017, cu berdaderamente den un di e biahenan ey tabata tin un gruo di 4 of 5 hende cu a keda na Aruba.

Riba esey ta loke ta liga nan mes pa haci un sensacion politico. Esun cu ta crea e sensacion, esun cu tin e rabia, cu tin e repudio den su curpa ta Speed Andrade, cu ta hiba oposicion, un “one man show” di AVP.

El a scoge pa bay hunga un fanfaria na Canal 90. Ta berdad cu Aruba Softball Bond ta haci campeonatonan mas di 12 aña, cu ta trece ekiponan internacional.

A trece kisas riba 2000 persona cu ekiponan aki den e ultimo añanan. Awo cu 4 of 5 no a bay bek, nan a wordo informa y tin cu atende cun’e.

Pero no tin nada di haber cu mensenhandel cu ta paga of abusa di un hende. Esaki ta loke Croes ta aclarea. Ta meramente algo deportivo.

Recientemente na fin di October, cuminsando di November, Aruba a conoce un otro campeonato di CONSURSA, prome biaha den historia, unda cu a trece mas di 200 mucha muhe bin hunga softball.

Tin hopi campeonato cu tur a bay normal y bon. Berdaderamente a wordo informa na 2017, cu lo tin 4 of 5 persona cu lo a keda atras.

Aruba Softball Bond, como rechtpersoon ta atendiendo cu esaki. Nan ta responsabilisa nan mes pa esaki. Croes a splica cu esaki ta algo deportivo.

Deporte rond mundo, bo ta organisa campeonatonan tur aña y tin biaha rond mundo esakinan sa tuma luga, cu un of dos a keda luga, cu no tin control riba dje.

Si coy e historia cu bo trece kisas mas di 2000 atleta y dirigente den trayectoria di 12 aña y awor aki den mas di 2000 hende, 4 of 5 a keda atras, esey ta mensenhandel?

No. Esaki ta show politico. Lo responde pa tur loke a wordo puntra riba dje. Atrobe aki di meramente di ekipo y dirigentenan deportivo, cu tur aña ta bin Aruba y lamentablemente, berdad a wordo informa di e caso aki y ta atende cu tur diligencia y responsabilidad.

No ta presidente di un organisacion solamente ora ta den bon, pero ta un presidente di un organisacion ora cu tin cu atende cu tur problema pa tuma cierto decisionnan tambe.

Croes ta refuta e acusacionnan falso aki. Lo responde pa nan y cu directiva lo yama un reunion pa atende cun’e tambe y di e manera aki, diligentemente atende cu e problema di e federacion deportivo cu pa añanan largo ta trece cantidad di competencia.

Entre otro, hustamente promoviendo deporte, promoviendo atletanan, ta forma caracter den nos hobennan. Ta forma determinacion den e pashon cu nan tin den un of otro deporte.

LEAVE A REPLY

Please enter your comment!
Please enter your name here