Polis deteni pa investigacion

603

Cuerpo policial a informa diahuebs atardi cu un agente policial femenino a keda deteni den cuardo di un investigacion interno. Ta trata di e dama SLMU, Sheila Mercelina.

Cuerpo policial ta para pa siguridad, servicio, integridad, vigilancia y disponibilidad.  Polis a sigui bisa cu e pueblo mester por sinti su mes sigur y mester por conta cu e experticio, ayudo profesional y e profesionalismo di su organisacion.

Segun por bin compronde,  e dama polis aki lo ta wordo sosepcha cu algo cu lo por tin di haber cu warda di polis na Balashi,  unda autonan cu wordo tuma den beslag ta wordo warda.

Den pasado tin polis cu a wordo haya culpabel di a manipula,  contra e saber di e donjo di auto, y a logra saca auto di hende for di warda di polis na Balashi.

E datosnan exacto di e sospecho no a wordo menciona pa Cuerpo Policial.

 

LEAVE A REPLY

Please enter your comment!
Please enter your name here