Polis Kock prohibi pa drenta tur warda di polis; E tabata saca informacion di investigacion di/pa Paul Croes

3691

Cuerpo Policial a informa cu dia 24 di October, un polis femenino, a haya un prohibicion pa drenta tur warda di polis.   E motibo no a wordo divulga na prensa.

Fuentenan na altura a segura SOLO DI PUEBLO, cu polis Kock lo tabata tene contacto regularmente cu sospechosonan di e caso Paul Croes, unda e tabata leak tur informacion di e investigacion pa sea Paul Croes y of otronan den e caso.

Pues constantemente e sospechosonan tabata bon na altura di e investigacion cu tabata tuma lugar den nan contra y tabata por a anticipa e direccion di e investigacion.

Nos no por a confirma si el’a cobra pa leak e informacion of ta cu cual motivacion el’a haci esaki. Nos no por a logra confirma e informacion aki, pasobra manera semper, ni si nos manda puntra,  nos lo haya como contesta cu “no por bisa nada riba ordo di fiscal”.

Dia cu polis o Minsterio Publico haya nan gana, nan lo confirma o nenga e informe aki.

LEAVE A REPLY

Please enter your comment!
Please enter your name here