Polis Rocco Tjong ta hopi asombra pa reaccion di ex minister Dowers y parlamentario Candelaria

513

Polis Rocco Tjong ta reacciona riba Arthur Dowers y Parlamentario Candelaria:

Polis Tjong ta asombra con polis Candelaria kier pone precion riba caso portofoon

Den un rueda di prensa cu a tuma lugar diaranzon mainta,   polis parlamentario, Sr. Rocco Tjong a elabora riba e ultimo desaroyonan relaciona cu radionan di polis den man di prensa.   Polis Tjong a baha pisa riba su coleganan Candelaria, kende tabata un alto inspector y tambe ex minister Arthur Dowers.

Ayera den mi concepto tabata un dia hopi scur, den sentido bo ta haya ex-prome minister ta puntra chef van dienst si e por bay cas cu un detenido.  Ni den ki contexto bo a haci’e,  e ta inaccpetabel.   Ami no ta contento cu e desaroyo di e ultimo tempo, pasobra na final di dia, cu periodista a cay sera,  pa falta di material di cuerpo polcial, ta atacha e funcionamento di nos cuerpo  polical.  E desaroyo ta atacha e cuerpo.

Loke mi ta trece dilanti ta mi sentimento dilanti  camera y patras di camera.

Ora un ex minister di husticia ta bagatelisa portofoon den man di otronan mi ta puntra mi mes ta cu ken ma traha durante 8 anja largo.

Esaki tabta un topico cu semper nos a adresa den husticia.   Nos te hasta desinja curso di integridad, caminda spesificamente, e parti di duna informacion a wordo adresa.   Awor bo ta bagetalisa esaki pa motibo politico,   na otro banda tambe cu un ex- alto inspector, Candelaria ta bagatelisa e susesidonan ta inacceptabel.

Pasobra e manera con politica ta wodo hiba den e caso aki for di den oposicion dor di personanan  cu sa con e apartao ta funcciuona y nan ta crea un esfera y imagen cu te minister di husticia acutal ta influencia investigacion, ta algo condenabel.

Aworaki diripiente e aparato no ta funcciona mas.    Den e caso aki,  ora un caso wordo investiga y ora propiedad wordo perdi,  ta tres manera tin pa investiga esaki.

Polis Rocco Tjong ta condena parlamentario di AVP pa actua comosifuera e no sa.

Keho korpschef, diensthoofd, of e manager.  Pa bo insinua cu te minsiter di husticia a start e investigacion,   ta haci e pregunta:   bo a traha den husticia e ultimo anjanan aki?

Ningun detencion por wordo efectua sin tin permiso di ministerio publico.   TIn un fiscal cu ta duna orden pa detene un persona. Durante di e proceso ta evalua e caso.  Ta wak si e motibonan ta keda valido.   E sistema cu nos conoce na Aruba tin su propio check and balances in place.  Mi no por compronde cu bo ta haya ex alto inspector di polis Candelaria, ta preciona coleganan, pa pone precion riba nan , cual no tin balor agrega.

Asina e parlamentario y polis y lider di fraccion di MEP,  Rocco Tjong a finalisa bisando den rueda di prensa

 

LEAVE A REPLY

Please enter your comment!
Please enter your name here