Por cambia Minister mes y por cambia Gobierno mes, pero e reforma fiscal ta pa yuda Aruba

308

Durante un rueda di prensa di Minister di Finansas, Minister Maduro, a trece dilanti su punto di bista riba e reforma fiscal,  unda lo bay cambia henter e sistema di paga belasting.

E direccion cu gobierno ta bayendo ta pa un sistema di BTW, siguiendo recomendacion di IMF, pero uno mas simpel, sin tanto excepcion.

Relaciona cu esaki Minister Maduro a trece su punto di bista:

“Nos kier haci e cos aki den tur sinceridad, nos kier haci e cos aki pa yuda e pais bay dilanti,  e no ta bay pa ningun minister, ni pa un gobierno,   e ta bay pa pais Aruba.   Por cambia minister mes, por cambia gobierno mes,  pero na fin di dia Aruba tin un sistema di belasting solido y husto”. 

Loke por conclui ta cu e partidonan den gobierno ta dispuesto pa tuma tur risico, hasta risico electoral y di existencia,  contal cu drecha e situacion y pasa e reforma fiscal.

E suma di BTW no ta conoci ainda,  pero no por descarta cu lo ta entre 10 cu 15%.

 

LEAVE A REPLY

Please enter your comment!
Please enter your name here