Porcentahe di grondbelasting lo baha pero lo wordo calcula for di taxatie waarde y no mas for di legger waarde

466

Pa loke ta trata e cambionan den grondbelasting, tin indicacion cu lo bay elimina e base di cobranza riba e valor di gobierno, “leggerwaarde”, y lo introduci e cobranza riba e valor di e propiedad, segun un taxatie waarde. Asina nos por lesa di un flyer circulando y cu a keda publica den corant local.

Ademas lo elimina e afschrijving di 60 mil pa anja cu ta wordo deduci di e valor di gobierno.

E base nobo pa cobra grondbelasting, lo bira “taxatie value” of “markt value” y lo wordo haci via di un aangifte cu e donjo di propiedad mester yena.

Esaki por implica cu grondbelasting lo conoce un subida por lo general, pasobra maske e porcentahe baha,  pero ora e base nobo ta bira taxatie waarde, tin e tendencia cu semper taxatie waarde ta mas halto cu legger waarde.

Esaki por ocaciona cu apesar cu tin bahada di porcentage, tumando menos porciento for di un suma mas halto,  e chens tey cu e suma por keda mescos of te hasta por subi y kisas subi considerablemente.

E informe aki ta ciruclando riba un flyer cu a keda publica den algun corant, pero no tin confirmacion si ta keda usa valor di gobierno of lo bay over na valor di propiedad.

Un parti cu Minister President a confirma via programa di Hans Geerman ta riba e cambio pa edificionan comercial, unda e procentage lo subi pa 0.6%. Pero e premier no a divulga si e base lo cambia di leggerwaarde pa taxatiewaarde.    Pues e grondbelasting pa edificio comercial, lo por conoce dos cambio:  E base nobo cu ta Taxatiewaarde cu ta mas halto, y un porcentage mas halto. Esaki por implica un subida considerabel den prijs di huur na Aruba, tanto di apartamento y tiendanan comercial.

 

 

LEAVE A REPLY

Please enter your comment!
Please enter your name here