Rapport suministra di Ernst & Young riba Lotto ta uno completamente manipula

531

Abogado Anthony Ruiz riba caso Croes v/s Ernst & Young:

Rapport suministra ta uno completamente manipula

Den casacion, Ernst & Young a bin cu e ponencia cu e ley aplicabel di accountant na Hulanda, no ta conta pa Aruba. Segun abogado Anthony Ruiz, e cinco huesnan na Den Haag a bisa cu e reglanan cu un register accountant cu tin cu mantene cun’e, ta asina general cu tur hende conoce na Aruba, cu tur register accountant of oficina di accountant cu tin un register accountant ta traha cerca dje, mester mantene nan mes na e reglanan aki.

E hecho cu nos no tin nos propio registro di register accountant, no ta kita afo, como cu nos ta parti di Reino, cu e register accountantnan cu ta traha na Aruba, mester mantene na e reglanan cu ta existi na Hulanda y cu ta conta tambe pa tur e register accountantnan aki na Aruba.

Loke hues a bisa tambe ta, e hecho cu bo tin fout, ta un di e cosnan cu a conduci cu e rapport aki ta inhustifica y ta malo pa Croes. E otro punto cu tabata hopi importante den e caso aki ta, e combinacion di foutnan cu E&Y a haci.

Ta como lo siguiente:
Ora bo ta traha un rapport, tin cu duna Croes e chens pa reacciona riba dje. Un rapport di E&Y ta asina diki. Bijlagenan asina hopi. Kico nan a haci ta, cu solamente obhetivo pa gara y distrui Croes ta, dun’e un rapport, y bise pa bin lesa, bay bladder den dje. Croes a menciona cu el a haya un rapport, y a pidi pa bay cas studi’e. Pa colmo e rapport cu a bin riba mesa, ta uno sin bijlage. Ta haya un rapport pa lesa, unda cu ta haci referencia na 100 bijlage, ningun di e bijlagenan tabata presente.

Croes a puntra pa bay cun’e, nan a neng’e. Croes a keha y a haya e bijlagenan. E no por a hiba e rapport cas pa studia. Ora cu lesa e rapport aki ora ta haci referente anexonan, ta totalmente manipula, cu un obhetivo ta pa bruha mente den e caso aki.

E rapport ta asina bon skirbi cu mester ta un hende hopi sabi pa por a skirbi’e, mirando cu hasta hues a cay den e trampa aki.

E combinacion di no duna Croes pa e por trece su ponencianan cu e rapport no ta sirbi pa nada y hecho cu tin fout den dje, manipulacionnan, a conduci awe, cu cinco hues a ratifica locual tres hues, riba corte di apelacion na Corsou a bisa, cu E&Y a manipula y a traha un rapport cu no ta sirbi pa nada.

Esaki ta nifica cu no tin caminda mas pa E&Y cana awor aki riba e rapport. Ta un hecho cu e rapport ta inhustificabel y awor tin cu bay na e siguiente fase, unda cu tin cu bay demanda e daño y perhuicio.

 

LEAVE A REPLY

Please enter your comment!
Please enter your name here