Retiro di Sue Ann Ras por ta debi na precion di Ricardo Croes… Un desicion desproporcional

1474

Retiro di Sue Ann Ras por ta debi na precion di Ricardo Croes… Un decision desproporcional pa no comete ningun infraccion.. Un disculpa lo tabata mas cu suficiente

 

E retiro di Sue Ann Ras, parlamentario di MEP a bini di sorpresa pa comunidad y tambe pa miembronan di MEP cu no tabata na altura.  Asina Ady Thijsen a declara, cu el’a haya sa pareu cu prensa, pues e no tabata na altura.

Ora cu e noticia a sali na claridad riba dialuna mainta,  hopi a keda asombra pa e postura drastico cu e parlamentario a tuma. Mesora a resona vosnan den comunidad, unda algun ta pro y otro ta contra di e decision tuma. Un decision asina drastico no tabata necesario segun hopi a comenta.   A pasa algo cu un periodista Samson a expone y hasiele grandi, siendo e tabata un fragmento chikito di henter e reunion.

Tin parlamentarionan cu a haci cosnan berdaderamente robes,  manera Benny Sevinger di AVP cu a bay parlamento cu un kotex di su esposa y na dado momento a cuminza zwaai esaki rond den sala. Tabatin ministernan di AVP cu a wordo deteni manda Kia, sin ningun dia a pidi retiro como minister y a keda cobra salario estando preso.

Asina nos por sigui cu un cantidad di cosnan fuerte cu a sosode, siendo ningun dia Partido AVP a pidi su ministernan pa entrega retiro.   Esaki no ta un hustificacion di loke por a pasa cu Sue Ann Ras, pero e ta un comparacion si di e gravedad y exageracion di un situacion.

Cual parlamentario no ta lepia den parlamento? No ta lesa corant? Whatsapp? Facebook?  Y te hasta kabisha?   Nan mester entrega retiro pa falta di integridad? Cuanto ta keda sin presenta na trabao?  Ki dia nan a entrega retiro pa integridad di cobra sin traha?

Tur hende ta respeta e decision di Sue Ann Ras, cual segun hopi ta mucho apresura.   E por a tuma algun dia mas, haci mas consulta prome cu tuma un decision.

Kico e desicion aki ta crea?   Kier crea un politica impecable?  Estilo Roma?   Unda pa cosnan minimal ta pone hende bao precion tenas pa retira?

Den e caso aki di Sue Ann Ras,  es persona cu a pone precion tenas ta Ricardo Croes di RED,  den un programa di radio na Hit 94 FM, unda el’a exigi pa Sue Ann Ras entrega su retiro, habriendo afor na un manera masha fuerte contra Ras.

Ady Thijsen den un rueda di prensa a declara cu e no tabata sa di e retiro, y tampoco e ta haya esaki necesario pa a yega asina leeuw.

Via declaracion haci na radio,  Sra. Yuyu Croes di Fundacion di hende muher di MEP a pidi Sue Ann Ras pe reconsidera su decision tuma y pe keda.

Si Parlamentario Sue Ann Ras tin e pas necesario cu e ta desea, ta keda su decision pa cual ta wordo respeta.

Sinembargo politica ta habri e porta pa e retorica sigui su curso,  unda cu cualke cos chikito cu por sosode cu no ta ningun infraccion,  lo hise bente riba integridad y retiro.

LEAVE A REPLY

Please enter your comment!
Please enter your name here