Ryson Paskel deteni despues di 57 dia di ta profugo

648

E profugo di husticia, Ryzon Paskel a wordo deteni dialuna anochi na un cas na Sta. Cruz, despues di 57 dia di ta profugo di husticia.

Tabata dia 2 di september 2018 cu den hora di marduga a surgi un pelea na Sand Bar, cual na prome instante a termina,  pero no pa Ryson Paskel,  debi cu el’a bay busca schroefdraai y a bay bek pa Camilo Sosa,  cu ya tabata subiendo su auto pa bandona e sitio.

Camilo Sosa a wordo hinca na altura di su pecho, y despues Paskel a move den un pickup cora.

Desde e dia ey,  el’a keda profugo y no por a haye ningun caminda.   A tene varios inval na varios cas,  sin resultado.

Ta a base di un bon plan di trabao y coordinacion policial, conhuntamente cu investigadornan secreto,  cu a logra haya sa unda e lo por ta kedando.  Despues di a monitor e sitio aki pa algun hora,  a dicidi di drenta.

Asina mes Paskel a bolbe purba huy du autoridadnan, kendenan mester a usa tur tactica pa por a logra su captura.

Autoridad no a duna mucha noticia di e cas unda el’a wordo gara y kico lo para di esnan cu a copera cune pa sconde pa 57 dia,  cual ta casi 2 luna,  faltando algun dia pa marca 2 luna di e asesinato.

Paskel awor lo mester bay confronta husticia y lo por haya castigo di varios anja di prison.

LEAVE A REPLY

Please enter your comment!
Please enter your name here