SADI ta refuta publicacion riba descontinuacion di servicionan di helicopter

344

Den un declaracion haci pa Sociedad Aerea de Ibague (SADI), nan a tuma nota di un publicacion encuento un supuesto intento pa hiba e helicopter di polis bek pa Colombia of pa descontinua cu e servicionan.

Carlos Restrepo, director di SADI, actualmente ta riba e isla y pa e motibo aki tambe ta nenga e alegacionnan aki.

SADI ta reafirma su compromiso cu e isla di Aruba, e minister di Husticia, Siguridad y Integracion, Cuerpo Policial, AAA, W-Aviation y VMSA, kendenan ta clave pa e exito di e operacion aki na Aruba.

SADI tambe ta clarifica cu nan no ta wordo representa pa e despacho di Gomez-Coffie Law Firm, ni tampoco Lincoln D. Gomez na Aruba.

Fuera di esey SADI kier a clarifica tambe, cu SADI ni su partnernan tin cualkier relacion comercial cu cualkier persona cu ta afilia cu e Ministerio di Husticia, Siguridad y Integracion.

SADI lo sigui sirbi e pueblo di Aruba den e lucha contra crimen.

 

LEAVE A REPLY

Please enter your comment!
Please enter your name here