Segundo fase di construccion di Carnival Village a tuma lugar cu entrega di e prome yabi di kiosko

37

Ministerv Otmar Oduber:

***Segundo fase di construccion di Carnival Village a tuma lugar cu entrega di e prome yabi di kiosko

Diahuebs a realiza entrega di e segundo fase di e proyecto di Carnival and Entertainment Village. Cu ta encera un total di seis kiosko kiosko (tres ambos banda ) y un baño. Minister Otmar Oduber conhuntamente cu Minister Chris Romero, Director di DOW, Director di DIP, Parlamentario Alan Howell, Contratista Freman y San Nicolas Businnes Association, tabata entre esnan presenta na e momento di e entrega.

Proyecto

E proyecto a inicia dunando e nomber di Carnival and Entertainment Village, pareu cu su muraya di honor na esnan cu durante añanan a sa di gana Caiso y Soca. Ademas pa e prome fase a construi dos ticket booth tambe. Despues cu e temporada di Carnaval a termina por a mira di biaha trabaonan a sigui riba e di dos fase di e proyecto cu ta encera seis kiosko y un facilidad di baño amplio. E fase aki a conta cu inversion di 1.2 miyon florin. Ta importante pa menciona cu e chauffeurnan di autobus y usuarionan awor tambe ta conta cu facilidad di baño y sitio pa por sinta refresca, un peticion cu nan tabata tin. Pronto cada un di e kioskonan lo ta habri pa siribi henter comunidad y tambe bishitantenan. Banda di cu a entrega e di dos fase di e proyecto, tambe a haci entrega simbolicamente di e yabi di e prome kiosko na sra. Patricia Baptist. Un persona conoci den e comunidad pariba pa su dushi cumindanan!

Concluyendo Minister Oduber a duna gradicimento na DOW pa e proyecto y na contratista Freman pa realizacion di e proyecto. Sigur tambe na SNBA cu na diferente ocasion a papia cu nan riba diferente plan pa pariba di nos isla. Esaki conhuntamente cu diferente otro proyecto pendiente pa inicia, ta muestra di e compromiso cu Gobierno tin cu San Nicolas,

LEAVE A REPLY

Please enter your comment!
Please enter your name here