Coronavirus – Telefoon shutdown….Ni dokter di cas, ni AZV, ni Asociacion di Dokternan HAVA ta contesta telefon….Señora di edad ta preocupa cu no por haya su pildernan

Diamars merdia un señora a acerca SOLO DI PUEBLO pa asina duna su reclamo riba su experiencia. Segun e señora e ta compronde cu e situacion di virus ta ocasiona cu tur hende ta bira druk. Alavez e por constata cu ta pidi tur hende pa no acudi na oficina di dokter, pero pa yama na telefon.

Segun e señora el’a yama su dokter di cas for di 9’or di mainta te cu 12’or di merdia y pa tres hora largo e telefon tabata ocupa. E no a give up, pasobra a pensa di yama AZV pa yuda. Yama AZV y tambe ta mescos, ningun contesta. E señora no a da por venci y a yama HAVA, e asociacion di dokternan, y aki tambe pa su sorpresa e no a haya ningun contesta.

E señora ta puntra su mes ta con e mester haci awor? E mester bebe su pilder. El’a yama Botica y Botica ta keda nenge, cu nan no por duna remedi sin ordo di dokter. Despues di a roga e Botica, nan a dicidi di lo busca contact cu e dokter. Te cu atardi 5’or, ningun reaccion ni di dokter ni di Botica.

E señora ta haci un yamada pa prensa por trece esaki dilanti, pasobra si dokternan ta pidi pa yama via telefon, anto nan mester pone un telefonista pa atende e telefon. Mescos tambe ta bay pa AZV.

 

LEAVE A REPLY

Please enter your comment!
Please enter your name here