Sr. Davelaar di Serlimar a confronta e situacion di video: “e ta doloroso”

349

E director di Serlimar a pasa su prome test exitosamente, pa cual el’a responde mesora dor di confronta e situacion via un conferencia di prensa.

Pa loke ta e video cu a core rond riba whatsapp den weekend,   Sr. Davelaar a bisa cu e video ta doloroso.

Ta un video cu a wordo horta for di su blackberry na anja 2006 cu a bay rond sin su consentimiento.   El’a bisa:  “Mi ta condena e cosnan aki”.  E video ta haci dolor, tanto pe, su mama y su famianan.

Na Curacao a haci un investigacion ken saca e video, pero no a logra detecta esey.    E video a biba su bida y despues a muri,  y despues Sr. Davelaar a traha pa 11 anja den gerencia di otro compania,  sin cu e video a haci ningun efecto riba su trabao. Su focus ta keda riba su trabao pa awor dirigi Serlimar.

SOLO DI PUEBLO ta opina cu Sr. Davelaar a haci lo corecto,  dor di adresa e video aki,  confronta prensa y pueblo y splica cu ta un video bieuw esaki ta y dje forma aki den forma hopi liher pone e video aki tras di lomba na Aruba tambe.

Ademas e parti di mas importante cu a resalta ta e hecho cu Sr. Davelaar a mustra su rechaso total na e video, y cu e ta un situacion cu ta molestie y ta hopi doloroso.

Cu e expresionnan aki,  Sr. Davelaar a pasa su prome test!

Hopi na Aruba mester sigui ehempel si di Sr. Davelaar,  cu ora nan wordo cuestiona riba un of otro topico,  nan mester sali duna cara y confronta e situacion.   Esey hopi tin miedo di haci y como tal:  “Wie zwijgt, stemt toe” ta bira aplicabel.

Den e caso aki,  Sr. Davelaar a actua rapido, efectivo y duna cara y confronta e situacion mesora.

QuickVideo>>

LEAVE A REPLY

Please enter your comment!
Please enter your name here