STA: Guarda nos Costa a drenta e gym como civil y no por tuma responsabilidad pe actitud di un maestra dilanti su alumnonan

1491

Nos di syndicato STA a tuma nota di sucedidonan weekend pasa na unda actuashon di trahadornan di Guarda Nos Costa (GNC) a wordo poni den mal luz. STA ta admira con dia aden y dia afo personal di GNC ta trahando pa bienestar di pais Aruba. Despues di basta anjas porfin GNC ta haya atenshon di gobierno y cosnan ta canando bon.

Pesey ta mas di lamenta cu riba rednan social GNC ta wordo poni como inhumano unda ta trata di e caso di e maestra di gymnastiek. STA kier aclara un y otro. Pa cuminsa STA no ta mete den decisionan tuma door di minister of huez. Semper GNC ta reaciona riba senjalnan concreto di illegalidad. GNC ta actua y procede conforme tur leynan exsistente. Den e caso concreto aki a opta pa bay como civil pa constata si e maestranan ta trahando mientras cu nan ta illegal.

Constatando esey y den tur calmo pa banda di GNC a purba di translada e dos maestranan. GNC no por wordo poni responsabel pa actitud di un di e maestranan dilanti di su alumnonan. E resto ta conoci. Un maestra a admiti cu e tawata traha illegal a wordo deporta. E otra maestra a haya permiso pa keda. STA a ricibi hopi reacion di su miembronan na GNC cu nan no ta contento con nan ta wordo poni.

LEAVE A REPLY

Please enter your comment!
Please enter your name here