Sue Ann Ras!! Escandalo di otro mundo pa parlamentario cu a tuma 5 minuut di pause

2004

Durante reunionnan na Hulanda den parlamento Hulandes, parlamentario Sue Ann Ras (MEP) a dicidi di tuma un pause di 5 minuut pa asina e por “stress out” for di e dia intensivo di trabao y a click riba un pelicula, cual el’a mira pa algun minuut. Net ne momento ey un miembro di prensa Hulandes a capta esey y awor kier haci di esaki un escandalo.

Ta ki coy loco esaki ta?

Ken no ta tuma un pause den un reunion intensivo? Ken no ta tuma un pause pa bebe un koffie? Otro ta huma sigaria.. Ken no ta check su whatsapp of su facebook un rato? Esaki ta algo masha normal cu tur hende ta haci.

No ta existi ni un solo hende cu por nenga esaki of pretende di no ta haci’e.  Cu Sue Ann Ras a tuma un pause, ningun hende por reclame y el’a admiti tambe di a haci esey. Hopi kisas lo no gusta, of otronan pa rasonnan politico, vooral esnan di e Club di Fanfaria di AVP, lo kier haci un drama total y haci un lawaai cu e asunto aki. Pero kico nan kier logra? Descredita un parlamentario di Aruba?  cu den su record a mustra di a bini ta hasiendo su trabao manera debe ser? Un parlamentario cu tin riba su record cu el’a tuma iniciativa pa pasa un ley di papiamento den parlamento? Ningun hende por reclam’e di tuma un pause. Ningun di nos por sa con cansa un hende por bira, vooral ora bo ta reuni intensivamente pa 8 ora largo, drumi laat, lanta tempran pa asina por haci bo trabao.

Charla di Hirsch Ballin no ta nada nobo y ta bon conoci:

Awor ta con bo ta bay reprocha un 5 minuut di pause? Segun el’a declara, cu na e momentonan ey e no a perde nada. Tur posicion di Hirsch Ballin tabata conoci pe y hasta e posicion di Aruba. Discurso di Hirsch Ballin no ta nada nobo tampoco, e ta bisa cu geschillenregeling ta wordo regla pa Raad van State. Acaso e miembronan di Club di Fanfaria no sa kico te posicion di Hirsch Ballin? Pues, no tin ningun pero ningun novedad den e charla di Hirsch Ballin. Ta mas cu logico cu Sue Ann Ras, probechando esey, a tuma un pause di 5 minuut y parce awor cu mundo a caba. Avepistanan a haya algo pa tene na dje. Nan a haya un bandera pa lanta pa lansa grito y tira piedra manera nan ta custumber. Pero ki dia nan ta cuminza wak den nan propio seno? Cuanto di nan propio parlamentarionan no ta yega trabao? No ta presenta na trabao? Nan ta cobra sin traha! Y ken ta bisa algo? Ki dia e Club di Fanfaria a lanta y grita e parlamentarionan di AVP kendenan ta cobra sin traha?

Pues, mester stop e idiotes aki di haci payasada. E ta sirbi si como un les pa cualke otro parlamentario, cu otro biaha, ta mihor bo tuma bo pause y bay pafo.

Pa cosnan illegal, hopi hende ta keda keto:

Tin asina tanto cosnan ilegal, manera un Henk Kamp cu a wordo nombra contra tur regla cen CFT, ki dia e Club di Fanfaria di AVP a habri na boca? Kisas e  topiconan aki ta mucho complica pa e Club. Nan no ta compronde e materia.

Benny Sevinger a falta mas di 20 reunion como parlamentario. Kico nan tin di bisa alrespecto?   Dowers,  Richard Arends na multiple ocacion ta asuente.

Tur cu ta critica, no ta bisando nada ni afectando Sue Ann Ras, pero ta mustra claramente cu bo mes ta carece di conocimento, dor di no lansa bo voz ora tin otro cosnan ta pasa den bo pais.  Relaciona cu e 5 minuut di pause, hecho ta cu Sue Ann Ras no a perde nada, pasobra no tin nada nobo.

 

LEAVE A REPLY

Please enter your comment!
Please enter your name here