Ta cuestiona e hecho cu Setar kier adkeri technologia 5G siendo ainda e ta den test

276

BENNY NISBET(PPA)

‘ARUBA TAMBE TA UN ‘TESTBED’ PA 5G TECHNOLOGY ?’

Algun dia pasa Aruba a hanja e noticia di nos compania nacional di Telecomunicacion SETAR NV cu for di ‘januari 2018’ nan lo a tuma e decision di cumpra y instala e technologia nobo di e generacion di 5G. SETAR NV a informa nos pueblo cu ja caba SETAR NV lo ta instalando equipo preparando pa e 5G cual lo ta ensera cu na 2019 Aruba lo sera conoci cu speednan cu lo ta 10 biaha mas lihe cu awor y cu hunto cu esaki SETAR NV lo bai introduci algun servicio nobo.

A stranja nos na prome lugar cu e noticia aki a bini di parti di gerencia di SETAR NV sin envolvimento di e Ministro encarga cu Telecomunicacion cu lo ta Ministro Chris Romero ??

Como cu PPA durante algun periodo tabata encarga cu Telecomunicacion di Aruba tempo cu Aruba a conoce ‘SETAR sui generis’ nos organisacion politico ta keda sigui e desaroyo di Telecomunicacion den mundo como riba nos Isla.

Y dentro di esaki PPA ta sigui e desaroyo y e asina jama ‘roll out’ di e 5G technology den Mundo. PPA ta ‘pro progreso riba tereno di telecomunicacion di Aruba na un forma serio y responsabel na tur momento.

Den pasado e introduccion di 1G, 2G, 2.5G, 3G y 4G na Aruba a tuma lugar despues cu e technologia aki despues cu e tabata wordo usa pa varios pais rond mundo.

Y t’aki ta unda e noticia di SETAR NV a lanta poco preucupacion serca nos organisacion politico y na mes momento ta lanta cierto pregunta serio cu lo ta bon pa nos mandatorio encarga cu SETAR NV Minister Romero aclarea e asunto aki pa nos comunidad.

Unda e ‘roll out’ di e sistema 5 G technology den mundo ta para na e momento aki ? Cuanto pais realmente ta hasi uso di un sistema 5G completo y standariza?

* Apenas e anja aki na juni 2018 instancianan Internacional a jega na algun acuerdo pa standariza 5G tehnology. Esaki ta trece cunele cu ta awor numa compania Internacional ta ejecutando e palabracionan realisa cu e ‘standarisacion’ di e asina jama 5G technology !!

* Te cu 2017 solamente paisnan manera South Korea, China y USA tabata hasciendo esfuerozo pa instala 5G pero mas tanto como prueba den cierto parti di ciudadnan.

* Na juli 2017 e compania ‘Italia Mobile’ a sera un acuerdo cu e ciudad chikito di San Marino cu ta un ‘micro’state’ di apenas 33.000 ciudadano y na 2018 esaki ta den ejecucion y PPA kier cita; ‘Telecom Italia Mobile has signed a memorandum of Understanding with the government of the tiny country to upgrade the existing 4G network in advance of a trial of 5G services in 2018.

PPA ta referi na e articulo bao di e titulo: ‘ ITALIA TO USE MICRO-STATE AS A TEST-BED FOR THE NEW TECHNOLOGY’ . E director di Italia Mobile sr Ferigio a declara y PPA ta cita:’mr Ferigio said San Marino would play a critical role in the future of 5G technology in Italy but was also crucial to the wider European sector as standards for the new technology are refined.

* Aparentemente tin hopi pregunta crucial rond di 5G ainda y PPA kier cita e sigiente frase: ‘Some countries have committed to the first 5G launches in 2019 but the WIDER telecom’s industry is still struggling to define exactly what 5G technology is and some have argued that it is not yet clear how they can justify spending billions on the new network.’

PRECUPACION GRANDI DI 230 SCIENTIFICO RIBA POSIBEL EFFECTO CU 5G LO POR TIN RIBA ‘SALUD PUBLICO’ ROND MUNDO??

Hasciendo nos ‘huiswerk’ riba e tereno aki PPA a tuma nota cu mas cu 200 scientifico di 40 pais a manda un carta pa Naciones Unidas na 2017 den cual nan a pidi Naciones Unidas pa un ‘moratorium’ riba e introduccion di e 5G technology den mundo como cu nan lo ta preucupa cu no a worde hasi suficiente analisis y estudio pa mira e effectonan di e e 5G technology riba e curpa humano.
Lamentablemente nan NO a hana contesta official mientras paisnan grandi y companianan grandi ta sigui den nan procedura pa ‘roll out’ e technologia aki majoria cu 2020 como meta.

Teniendo esaki na cuenta PPA tin e sigiente pregunta pa nos gobierno di Aruba:

1. Gobierno di Aruba/Ministro di Comunicacion Romero tabata envolvi den e proceso cu a guia na e decision official di SETAR NV na Januari 2018 pa laga instala of upgrade nos 4G pa 5G ? Si of NO y con e envolvimento aki tabatata ??

2. E ejecucion di 5G na Aruba ta un compra di e sistema 5G of Aruba ta un ‘testbed’ y pa/for di cual Compania Internacional y cuanto fondo publico di SETAR NV ta envolvi den e projecto aki ??

3. Ta trata di compra di un 5G completo y standariza ? Y con pueblo mester mira esaki den contexto di e hecho cu mundialmente majoria di e paisnan grandi ta papia di nan posibel ‘roll out’ y uso di 5 G na sea final di 2019 of 2020? Con bin Aruba como isla chikito ta kana dilanti di e paisnan grandi riba e sistema 5G cu internacionalmente NO ta completo ainda?

4. Of ta trata di e hecho cu Aruba ta worde usa como un ‘testbed/ testing ground’ pa un compania Internacional pa e sistema 5G ? Y si ta sina kiko ta e beneficionan cu Aruba a logra den e contract cu a wordo sera cu e compania aki ? p.e. Si den futuro resulta a base di e uso di 5G technology den otro pais cu tin cambio cu lo mester worde hasi den e sistema operacional/technico di Aruba esaki lo sosode riba cuenta di e compania cu ta usa Aruba como ‘testing-ground’ of ta Aruba/SETAR NV lo mester carga esaki?

5. Cuanto mast di e sistema 4G ta worde usa actualmente na Aruba y cuanto mast lo mester worde instala pa e sistema di 5G awo?? Hustamente e uso di 4 pa 5 vez mas mast ta causa e discussion den otro pais cu esaki ta affecta e salud publico….!!

6. E preucupacion grandi di mas cu 200 scientifico di mas cu 40 pais cu a conduci na nan carta dirigi na Naciones Unidas pa NO ejecuta 5G technology ainda ta un hecho conoci cu esnan cu ta sigui e desaroyo aki ……..!! Na Aruba a tuma conseho di autoridad/Ministro di Salubridad Publico Dangui Oduber su departamentonan prome cu a dicidi di entroduci e 5G technology aki ??

5G LO MATA PAJARO, BESTIA Y MATA DEN CURSO DI TEMPO ?

Scientificonan ta pronostica cu 5G technology lo mata of core cu majoria pajaro y bestia riba nos planeta y affecta hopi mata.

PPA ta ripiti ta responsabel pa Aruba introduci un 5G technology aki riba nos Isla mientras esaki NO a worde ‘getest’ suficientemente y e resultado ta keda un pronostico negativo pa hopi scientifico den mundo ?

PPA kier hasi un apelacion na Gobierno di Aruba y nos Parlamento di Aruba y otro instancia importante den nos sociedad pa dedica atencion serio na e topico aki !! PPA ta pro ‘progreso di nos Tele-comunicacion’ pero na un forma responsabel y cu e claridad necesario pa nos pueblo.

Si Aruba ta un ‘testbed’ pa 5G technology lo mester splica pueblo kiko ta e beneficionan pa Aruba cu a logra stipula den e contract ?? Ki conseho a pidi aki na Aruba o sea den exterior pa garantisa cu 5G technology lo no affecta nos ‘salud publico’ ?.

Cu respet pa nos compania Nacional ‘SETAR NV’ y tur instancia envolvi PPA ta spera di por ricibi contesta y claridad riba e problematica aki.

Aruba, 5 di November 2018 Secretario General di PPA

BENNY NISBET

 

 

LEAVE A REPLY

Please enter your comment!
Please enter your name here