Crédito: lamananadigital.com

Diadomingo ta cumpli 4 dia cu un lancha cu a sali di Tiraya na Venezuela rumbo pa Aruba a kibra den dos y zink. Tabatin 23 persona abordo; 19 pasahero y 4 tripulante.

Via: Blanca Sánchez / La Mañana Digital

Te ne momentonan aki no a logra ningun resultado, apesar di un operacion di rescate cu a tuma lugar via varios colaboradornan y organisacionnan di rescate.

Famianan a informa hunto cu e vocero di piscadornan di Boca Caño, Zuleika Rincon, cu algun minuut despues di nan salida, e lancha a parti den dos y a zink cu tur abordo, segun e 4 tripulantenan a declara.

E capitannan y ayudante di e lancha a logra landa y a yega na canto, pero e 19 personanan a keda na merced di e corientenan fuerte den awanan profundo.

Di e 19 nan desapareci, tin 4 menor di edad.

Nan a sali diaranson marduga, rumbo pa Aruba.

Famianan no ta perde speranza cu nan lo yega sano y salvo. Nan ta hasi un yamada na autoridadnan pa haci un buskeda mas.

Riba e foto por mira algun di esnan den e lancha.

LEAVE A REPLY

Please enter your comment!
Please enter your name here