Ta pidi investigacion den AZV riba gastonan hopi halto y cu ta sigui subi

1195

Den e carta di CFT di 20 di Juni, e kamber di control ta haci mencion di un investigacion cu lo mester bini riba AZV.

Cft ta hopi precupa pa e gastonan di Azv cu ta sigui subi. Pa 2019 ja caba e sumanan ta hopi halto.

Minister di Finansas a pidi Minister di Salubridad pa laga haci un investigacion den Azv riba e gastonan cu ta sigui menasa e caha di pais Aruba.

Ni maske cu a pone un bbo apart pa Azv, Bazv, ni asina parce cu e placa no ta yega.

Mester scrutina tur detayes den Azv y manera por compronde cu tin hopi vet pa corta.

Tur prijsnan mester wordo revisa y actualisa. Prijs di Euro a baha desde 10 anja pasa y ta imposibel cu prijsnan a keda wordo basa riba e prijs di Euro di 2009.

Algun experto a bisa cu un bon investigacion por reduci e gasto mesora cu 50 miyon y lo mester cuminza den propio oficina di Azv, cual gasto di salario so ta riba 10 miyon pa un par di hende trahando.

Minister di Salubridad lo mester tuma paso awor pa start e investigacion y ta spera cu e por hasi uso di un compania cu por haci e control y no un compania cu ta wordo controla.

LEAVE A REPLY

Please enter your comment!
Please enter your name here