Taxi a haci U-Turn y dal riba brommer maneha pa un polis

852
Accident grave na Savaneta
Diabierna anochi den careda di 8:10pm a sosode un accidente grave entre un Taxi y un motorcycle na altura di Winter Garden na Savaneta. 
Ta trata di Taxi 57 cu a bay haci un U-Turn riba caminda grandi biniendo for di San Nicolas direccion Oranjestad y den su maniobra a bay dal den un motorcycle biniendo for di pabou.
E motociclista a resulta herida y cu ambulance a transport’e pa Hospital pa ricibi tratamento medico avansa. 
Parce cu e motociclista ta un Polis, trahando den departamento di Recherche. E tabata bayendo ariba, probablemente trabou, ora cu e auto a haci e movecion straño aki y dal den dje. E mes a cana subi ambulance pa ricibi tratamento medico. 
Polis di trafico a presenta na e sitio pa conduci un investigacion.

LEAVE A REPLY

Please enter your comment!
Please enter your name here