Tres reportero di prensa deteni, un polis deteni of suspendi

1590

Diamars mainta autoridad a tene tres inval enbusca di radio di polis na tres diferente cas.

Den e operacion aki a detene tres miembro di prensa, o sea tres reportero.

Ta trata di dos hende homber y un hende muher.  E cargo o sospecho ta “diefstal/heling” di scanner di polis.

Tambe despues a circula e informa cu un polis lo por a wordo deteni y of  suspendi relaciona cu e caso aki.

Ta trata aki di radio di polis, unda polis di “straat dienst” ta comunica cu otro ora di accidente, candela, atraco etc.

Update: Por compronde cu di 3 cas a bira 5 cas, o sea cu e investigacion lo ta andando.

Mester surgi un debate si e scanner di polis mester ta priva of publico: 

Hopi pais na mundo e signalnan di e radionan aki ta habri, “open” y ta hasta obtenible riba internet.   Prensa tin un rol grandi pa cubri noticia cu ta wordo denomina como “sucessos”.   Aki no ta trata di comunicacion di  recherche of di cualke investigacion, sino di succesos. Na Aruba e signal aki kier wordo limita pa prensa cu tur su consequencia.

Si na Merca, tur signal ta habri y obtenible riba internet,  e ora kico ta hustificacion cu na Aruba ta boga pa tene cera?   Pa limita pueblo na informacion?  Of cu polis ta dicidi kico ta bira noticia o laga?

Ta hora pa revisa e postura aki y si na Merca mes cu tin mas di 300 miyon habitante cu un cantidad di cuerponan policial, y tur nan signal di “straatdienst” ta obtenible riba internet,   anto kico lo por te obhecion di nos pais ?

 

 

 

LEAVE A REPLY

Please enter your comment!
Please enter your name here