Trip di bus di wak lus a termina den accidente frontal na Warawara

1989

Diasabra anochi un bus di Fofoti, un bus grandi a dal frontal riba un toyota tercel na Warawara.

Un grupo tabata den un paranda di wak lus ora cu e bus ya tabata bahando for di e parke di lus na Warawara.

Algo a bay robes cu e bus, aparentemente e brake a stop di funcciona abruptamente, net yegando e T weg pa subi caminda di Warawara.

E chofer tabatin dos opcion, di bay straight y drenta un cas su dilanti of maniobra pa scapa e cas.

Ela escoge pa e segundo opcion di bira e bus,  pasa dal’e den palo di lus di Elmar y subi caminda.

Net e momento ey ta pasando un tercel cual a drenta bao di e bus parcialmente y a keda tur machica parti dilanti.

Mas cu claro cu tur hende tabata altera y den spanto.

A pidi precencia di brandweer pa asina por a saca e persona for di e tercel.

Tambe a pidi dos ambulance.  Maske cu e choke ta grave por compronde cu e chofer di tercel ta den bon condicion di salud y a bay hospital.

Fofoti a manda un otro bus pa asina busca e grupo, kendenan a pasa den spanto di bida ora cu e bus no kier a para pa finalmente bisti e tercel.

LEAVE A REPLY

Please enter your comment!
Please enter your name here