E prome caso di Coronavirus a keda registra na Aruba dia 13 di Maart 2020.  Tabata trata di e turista cu a bini Aruba pa haci trabao di consultant na WEB NV.  E turista mes a yega Aruba diadomingo 8 di maart y a traha desde dialuna 9 di maart na WEB pa tres dia.  E caso aki a wordo bon atendi unda 13 empleado di WEB a wordo poni den cuarentena na cas pa 14 dia cual lo termina dia 25 di Maart.   E turista Merciano aki a wordo manda bek Merca dia 17 di Maart unda el’a recupera di e virus.  Contrario na noticianan cu el’a fayece,  SOLO DI PUEBLO a bin compronde cu el’a sali di hospital y ta bek na cas, na Orange County, California. 

E casonan nobo cu a keda anuncia awe 23 di Maart,  uno ta di Colombia mientras cu dos otro mas ta contagio local.  Maske cu no ta suministra e nomber di hotel, a ser bisa cu nan trata di contagio local na hotel.

Nos ta conta awor cu 8 caso importa y 4 caso di contagio local.    Di e 8 casonan importa, 7 ta di Merca y un di Colombia.

Mientras cu na Curacao si a presenta un caso cu a wordo importa for di Hulanda, aki na Aruba nos no conoce ningun caso ainda importa di Europa.

SOLO mester admiti si, cu hopi tabata mas preocupa pa Europa, pasobra e casonan na Europa tabata birando alarmante.

Por mira esaki na e desicion di Gobierno tambe, cu prome frontera cu a dal cera tabata Europa, sigui pa Merca dos dia despues.

Resumen:

1. Turista WEB a bini di California hospeda den hotel(13-3-2020)(to USA: diamars 17-3-20)
2. Local cu a bini di New York (dialuna 16-3-20)
3. Local cu a bini di New York (diamars 17-3-20)
4. Turista Mericano cu tabata hospeda na un apartment (17-3-2020)
5. Residente cu a bolbe di Merca (diahuebs 19-3-20)
6. Local cu a bini di Miami (diasabra 21-3-20)
7. Local cu a bini di New York (21-3-20)
8. Local cu transmicion local (21-3-20)
9. Local cu transmicion local (diadomingo 22-3-20)
10. Local cu a bini di Colombia (dialuna 23-3-20)
11. Local cu transmicion local (dialuna 23-3-20) HOTEL
12. Local cu transmicion local (dialuna 23-3-20) HOTEL

LEAVE A REPLY

Please enter your comment!
Please enter your name here