Vandalismo, signal of reglamento di cuenta na Ministerio Publico?

91

Diaranzon anochi algo prome cu 10.or,  alarma a wordo bati pa un kiebro di glas na oficina di Ministerio Publico situa na Rumbastraat.   Compania di alarma a informa polis cual a acudi na sitio pa atende cu e caso.

A keda constata cu glasnan a wordo kibra,  unda por mira cu e glas tin dos buraco, indicando cu dos ves un obheto  a wordo manda den e mes un glas.

Algun siman pasa,  e mes un situacion a presenta su mes na Kamer van Koophandel, cual a ripiti su mes pa un total di dos ves.

Ta keda un misterio cu mester wordo investiga,  si esaki ta un vandalismo di concidencia na Ministerio Publico,  of cu aki lo por ta trata di un signal cu ta wordo manda pa PG y fiscalnan di cierto caso cu nan ta atendiendo of a atende?

No por descarta ningun scenario,  cual kisas tampoco por exlcui cu aki por ta trata di relacionnan personal y of jaloezi cu ta tumando lugar entre e personal.

Un investigacion a wordo pidi pa asina por aclara ta ken, kendenan y cu ki razon a comete e vandalismo aki.  Diahuebs mainta autoridad a acudi na e oficina pa asina reuni of investiga kico lo por a pasa.

 

LEAVE A REPLY

Please enter your comment!
Please enter your name here