Venezuela ta devalua un 27,6 porciento di e tasa di cambio pa dollar di envio

190

Banco Central di Venezuela (BCV) a permiti dialuna na e casnan di cambio cuminsa na ricibi envio na un tasa di 4 miyon di Bolivar pa cada dollar, e prome señal di un flexibilisacion di e control pisa cambiario vigente.

Te cu diabierna, e cotisacion oficial di dollar pa envio tabata di 2.9 miyon di Bolivar, loke ta supone cu BCV a autorisa un aumento di 27.6 porciento, e mayor devaluacion desde cu a crea e schema na Juni.

E medida a surgi tras di e derogacion di ley contra cambiarionan ilicito, cu e presidente Nicolas Maduro a declara e luna aki pa implementa un schema nobo di compra y benta di divisa riba cual ainda no a entrega mayor detaye.

E tasa nobo di cambio pa envio ta acerca pa prome biaha e paridad di mercado informal di divisa di 4,2 miyon di Bolivar, segun e website DolarToday, cual e bon parti di sector priva ta usa como referencia tras di casi nulo asignacion di dollar den un unico mercado oficial.

Algun firma consultor local ta proyecta cu e miyones di Venezolanonan cu a emigra, ta manda te cu 1.000 miyon di dollar anual pa nan famia.

E gobierno Socialista di Maduro a bisa cu e reglanan nobo cambiario ta busca cu e envionan ey ta tramita atrabes di casnan di cambio, pa capta bon parti di e ingresonan ey den divisa y ofrece nan den su schema oficial.

“Nos ta aumentando e cantidad di cliente,” un operador di un cas di cambio a bisa dialuna, kende a prefera di reserva su nomber.

 

LEAVE A REPLY

Please enter your comment!
Please enter your name here