Yamada getap: Paul a manda Kelly pa bay den conj…y e lo no haya tereno, pasobra Kelly a nenga di sponser caha di cerbes

1338

Durante e tratamento di e caso den corte,  a bin dilanti e caso di Jossy Kelly.

Jossy Kelly tambe a wordo scucha como testigo y a declara cu Paul a pidi’e cahanan di cerbes unda alaves lo yuda Kelly pa haya un tereno.

Paul na su turno a splica huez, cu e cahanan di cerbes no tin nada di haber cu tereno, pasobra tereno no ta cay bao di su ministerio.  Paul a bisa cu e conoce Jossy y el’a pidi cerbes pa un actividad politico. Huez a remarca cu si esaki no ta mustra sospechoso.  Tambe huez a remarca cu Roque a bisa Paul via celular cu Jossy a nenga di duna caha di cerbes y a bisa cu “awor no”.  Paul na su turno a contesta Roque, bisando Roque pe bisa Jossy, pa Jossy bay den conjo y pe bise cu e lo no haya ningun tereno.

Paul Croes den corte na su turno a bisa:  Esaki tabata un joke!  El’a splica huez cu e ta haci masha hopi joke. Huez a contesta Paul:  Cu esaki ta crea e pensamento cu si bo no yudami ami lo no yudabo.  Paul a bisa huez cu esey ta interpretacion di huez y cu tanto huez como fiscal ta interpreta jokesnan robes!

LEAVE A REPLY

Please enter your comment!
Please enter your name here