A marca awe 3 miyon di caso di coronavirus rond mundo

0
184

A reporta 3 miyon di caso di coronavirus rond mundo

E casonan di coronavirus rond mundo a cruza e marca di 3 miyon dialuna, cu casi un tercio di nan na Merca, segun e ultimo cifranan ta mustra.

Segun un real time tracker di e Universidad di Johns Hopkins, mas di 972 mil Mericano a bira malo door di e peligroso contagio, cu a extende na por lo menos 185 pais y region.

Dialuna a tuma lugar menos di dos siman despues, cu e cantidad di casonan confirma lo a yega na 2 miyon.

E virus a propaga rapidamente desde su aparicion na December na Wuhan, China y a mata mas di 208 mil persona rond mundo.

E recuento mundial di casonan tambe inclui na mas di 878 mil persona cu a recupera di e enfermedad respiratorio.

China a informa cu nan a contene e virus den gran medida, hasta na Wuhan, unda cu e ultimo pacientenan a wordo informa di nan salida di hospital.

Mientras tanto, e otro paisnan afecta manera Spaña y Italia, a mira cu e cantidad di morto a baha como un señal prometedor di recuperacion.

Algun estado di Merca, incluyendo Georgia, Mississippi y Tennessee a cuminsa reduci e restriccionnan na e blokeonan cu e speranza pa cuminsa bek cu e economia.

LEAVE A REPLY

Please enter your comment!
Please enter your name here