Abogado Demis Illes: No tin ningun acusacion formal contra su cliente Gigi Helder, sino solamente un ‘zoeking’

0
5233

Diahuebs mainta SOLO DI PUEBLO a tuma contacto cu e abgoado di e comerciante Sr. Gigi Helder pa asina haya su punto di bista riba loke ta pasando cu e caso Flamingo, unda su cliente Gigi Helder ta wordo investiga.

Demis Illes a informa SOLO DI PUEBLO cu entrada hudicial a wordo hasi na cas y dos negoshi di su cliente Helder. Riba loke ta e acusacionnan imponi door di Ministerio Publico, Illes a bisa cu di un telastelegging no por papia ainda ya cu e no ta un accusasion formal, pero un zoeking pa wak si eventual ta bai over na dagvaarding cu un telastelegging.

Abogado Illes a sigui informa SOLO DI PUEBLO cu su persona como abogado y su cliente mes no sa mucho detayes ainda y ta for di e communicacion di vocero di OM na media nan tambe a tende un tiki mas over di kiko e caso/buscamento lo ta trata.

Segun Abogado Illes, cu pa loke ta e acusacion (terreno) e sa mes hopi cu media tambe sa por medio di OM. Su cliente Helder a coopera totalmente cu husticia. Awor lo warda wak kiko nan lo disidi pa hasi next.

Te asina leu Demis Illes a informa SOLO DI PUEBLO.

Diaranzon mainta un total di dos negoshi di comerciante Helder a wordo bishista como tambe su cas situa na Noord door di landrecherche. A busca un cantidad di documento, files, computers, etc, cu awor lo wordo investiga pa landsrecherche. Ta ser busca si encaso un of mas tereno cu Helder a haya un “optie” por tabata tin corupcion.

LEAVE A REPLY

Please enter your comment!
Please enter your name here