Acceptacion di Rijkswet ta rekeri 2/3 parti di parlamento

0
560

Pa loke ta trata e condicion na ultimo ora diparti Hulanda pa cambia CAFT pa CFT por medio di un ley di Rijkswet, ta nifica cu bo ta bay mishi cu nos constitucion, y artikel 7 ta bisa cu mester di aprobacion di 2/3 parti di parlamento di Aruba. Esaki ta contrario na e ley di CAFT cu solamente ta rekeri un mayoria.

Ora ta referi na 2/3 parti di parlamento, kiermen 14 voto cu ta sostene e cambio aki. Defacto pa yega 14 voto e ta unicamente posibel cu sosten di MEP y di AVP.

Nos a wordo aserca pa un experto cu kier a trece esaki dilanti. Contrario na ley di LAFT cu mester un mayoria, e ley di RFT mester di 2/3 parte.

Pues na e condicion cu Hulanda a pone aki, cual ta laga CFT tuma over CAFT via un ley di Rijkswet cu consensus, e ta rekeri un sosten mas amplio den pueblo y no just un mayoria.

Un rijkswet cu ta regla nos situacion di finansas no ta deseabel. Ningun Gobierno ni Parlamento lo kier algo asina, sinembargo na e momento aki, Hulanda ta usando e coronacrisis pa asina impone tur su deseonan cu den un situacion normal e lo no por a logra.

Bao di e situacion cu Gabinete Eman 1 y 2 a triplifica e debe di pais Aruba, tanto riba balance y off balance ( den PPP), ne momento aki no ta keda pais Aruba mucho alternativa, e experto a bisa. E beneficio cu per direct ta cuminza haya prestamo na 0%, lo bay yuda Aruba den e proximo añanan pa reduci e interes di 250 miyon pa aña cu actualmente Gobierno ta pagando tur aña.

LEAVE A REPLY

Please enter your comment!
Please enter your name here