Aumento di castigo lo bay duna e resultado premira? Nos no lo logra si no pone atencion na e lugarnan corecto pa evita cu e desaroyo aki continua

0
477

Parlamentario Ricardo Croes a cuminza na clarifica cu awe parlamento ta trata solamente e parti di aumento di castigo. Esaki ta pa corigi e rumor falso, cu parlamento lo ta tratando awe pa asina faborece pedofilia, pa aumenta e bewijslast den casonan asina. Ricardo a nenga categoricamente cu esey ta otro ley, cual e ley ey no ta wordo trata awe.

Sr. Ricardo Croes a bisa cu e problema di abuso di mucha of abuso sexual di mucha no ta solamente trata di bisiña cu bisiña, of hendenan pober, of hendenan cu ta droga, pero tambe ta trata di miyonarionan, presidentenan, y hasta den cas real.

E percepcion ta cu e cos aki ta tuma lugar cu den casnan di esnan cu tin problema social, pero no ta berdad. No ta secreto cu varios religion rond mundo, incluyendo vaticano, pastoornan, educadornan, verkennerij, prison, e cos aki ta tuma lugar.

No ta solamemnte den cas, den famia, cu ruman, pero e problema aki ta mas. Nos no logra y lo no logra tampoco si no pone enfasis riba e partinan corecto, pa asina evita e cosnan aki.

LEAVE A REPLY

Please enter your comment!
Please enter your name here