Benny: Error tras di error tin Aruba lomba contra muraya

0
415

BENNY NISBET (PPA):

‘EROR TRAS DI EROR TIN ARUBA LOMBA CONTRA MURAYA !!’

Gabinete Mike Eman(AVP) mester a guli un Ley di Laft a consecuencia di nan mal gobernacion cu a crea e MEGA DEBE!

E Ley aki lo a conta pa 3 anja 2016 pa 2018!!

Gabinete Wever Croes No a demonstra curahe pa pone un final na e ley di Laft aki y a baha cabez pa pression hulandes cu kier a alarga esaki y a firma un protocol na nov 2018 den cual a priminiti Hulanda cu lo prplonga e ley di LAft!

Parlamento (coaliccion) a hasi un esfuerzo pa trece cambio den e ley di LAFT cu e meta pa e responsabilidad politio cay bow di parlamento di Aruba y no bow di Hulanda y esaki a trece un problema enorme entre gab Wever Croes y Gobierno Hulandes …..cu tempo tanto Gab Wever Croes como parlamento(coaliccion) a guli manda bow e pression hulandes y a permiti cu e PROTOCOL di november 2018 a keda esun cu ta dirigi pasobra e ley di Laft mes a caduca 31 di December 2018!!

Tur esaki a affecta nos autonomia y nos status Aparte seriamente.

COVID 19 TA BATI NA PORTA!!

Derepiente mundo henter a keda sorprendi y seriamente affecta tanto salud publico como economia mundial y pa e economianan cu ta depende grandemente di turismo esaki tabata desastroso.

Aruba cu tabata depende di UN pilar economico esta Turismo inicia bow di PPA a wordo seriamente affecta.

Esaki a causa cu e.o. Aruba mester a hasi un peticion dirigi na gobierno di Reino pa ajudo financiero economico mirando e desgracia den cual Aruba a hanja su mes.,

PETICION PA JUDANZA NA GOBIERNO DI REINO!

Aki un otro eror historico a wordo cometi ora gobierno di Aruba gab Wever Croes a hasi su peticion na Hulanda pa judanza no solamente basa riba Statuut pero tambe basa riba e Ley di LAFT (caduca!) usando pues e protocol november 2018..!!`

Por a tende Ministro Presidente Wever Croes splica cu esaki tabata riba peticion hulandes pa e ta asina…..

Eror historico segun pensamento di PPA!

E motibo cu Hulanda a forza Gab M Eman(AVP) accepta un ley di LAFT tabata pasobra Statuut No ta permiti Hulanda di bula den na Aruba sin mas. Cu otro palabra Statuut tin su limite pa Hulanda intervene.

Statuut ta proteha e autonomia cu Suriname y Antiyas Neeerlandes tabatatin desde 1954 y consecuentemente Aruba desde 1986.

Corsow y St. Maarten a accepta un ley di Reino(RFT)a cambio di pago di nan debenan.

Un vez mas e eror historiao cometi pa gobierno Wever Croes tabata pa hasi peticion pa ajudo hulandes basa ariba Statuut y LAFT!!

E LAFT ‘from day one’ a duna Hulanda competencia cu Statuut nunca a duna esta pa trapa riba nos Autonomia/ Status Aparte cu otro palabra pa ‘schroef’ nos apesar di nos Status Aparte!!

E peticion e.o. basa riba e LAFT caduca hulanda a cuminsa duna ajudo pero,.,.,,,mara na condicion y no basa riba e espiritu real di Statuut cu ta papia di ‘Onderlinge bijstand overleg en Samenwerking’ y ningun momento abuso y schroefmento!!

Kada vez cu Hulanda mester manda un ‘tranche’ di ajudo financiero economico nan condicionan ta bira mas cruel cu un falta di respet pa nos autonomia/status Aparte y dignidad di nos pueblo….!!

Mientras e Gab Wever croes su eroronan e.o. a permiti esaki Aruba su Staten/Parlamento NO a sali na defensa di Aruba su interesnan…. Staten a keda ‘monddood’……hopi tristo!!

E ULTIMO CONDICION HULANDES…ACCEPTA E LEY DI REINO ESTA RFT OF NO LO TIN E TRANCHE DI 204 MILJON !!

Awo e ultimo condicion tin como meta pa e Ley di Reino cu ta conta pa Corsow y St. Maarten lo mester conta pa Aruba tambe…esta e ley di Reino cu gabinete Mike Eman a lgora evita door di implementa un Ley nacional Landsverordening pa 3 anja!! Cu e demanda aki parce cu Hulanda kier impone un Ley di Reino pa semper. Pa colmo esun cu a encabeza e marcha di protesta riba caya contra di e ley nacional/landsverordening na 2015 tabata nos actual Ministro President Evelin Wever Croes ta wordo pressiona pa accepta lo peor ….e ley di Reino!

Parce Hulanda cu tin Aruba lomba contra muraya ta keda schroef, schroef y schroef mientras Aruba parce di NO tin Liderato cu por defende nos autonomia /Status Aparte !!

Awo cu tanto ‘blunder’ cometi ….tanto decision tuma pa gobierno SIN conseho di gremionan…awo cu Aruba ta na punto di sea perde nos Autonomia’Status Aparte of e ajudo economico hulandes….awo gobierno ta desea di envolvi e gremionan!

Hopi laat mes por cierto!!

Un gobierno ‘zwak bow investigacion y e parlamento mas ‘zwak’ den historia di Aruba…esey ta nos realidad amargo cu cual nos pueblo tin di enfrenta e siman nos dilanti!!

Realisa unda Aruba ta awe a consecuencia cu un majoria di pueblo cu NO a desea di tende Ni mira eror tras di eror di e actual gobierno y constelacion di parlamento….Hopi Tristo !!

Un pais cu MEGA DEBE ……cu un gobierno y parlamento Lomba contra muraya ……y Aruba na punto di perde su autonomia/status aparte…..!!

Sans Rancunes..,.!!

Aruba, 30 di juni 2020 Secretario General di PPA

BENNY NISBET

LEAVE A REPLY

Please enter your comment!
Please enter your name here