Booshi Wever cu denuncia contra Otmar Oduber na Ministerio Publico pa corupcion.

0
20

Atrobe Booshi Wever ta keda para ariba su punto encuanto denuncianan cu prueba den man riba corupcion cometi pa Otmar Oduber, kende na e momentonan aki ta hayando atencion local. Na Hulanda tin bista riba dje, riba un maneho cu a causa cu placa di pueblo awe a disparce of a wordo mal maneha na Serlimar. Ta trata aki di extra placa cu Serlimar a haya cual nunca antes Serlimar a soña di a haya. Awe mas cu nunca nan tin mas debe pa paga tur caminda. Booshi Wever tabata na Ministerio Publico pa entrega un di tres rapelbrief, mustrando nan cu dos siman pasa, dia 20 di mei a entrega di un dos rapelbrief y awo a bolbe entrega un carta, pa motibo cu ta kere cu door cu tin comprension kisas cu nan no por haci un trabao, mirando cu nan ta onderbezet. Kisas Covid ta stroba nan pa haci e trabao aki. Ta pa e motibo aki a duna nan mas tempo pa por haci esaki ainda. Segun Wever, Ministerio Publico tin suficiente motibo pa haci esaki. A mustra esaki den e denuncia cu nan a haci cu prueba cu documentonan, cu tur parlamentario, tur minister y varios miembro di prensa tin esaki. Esaki Wever ta haya hopi lamentabel cu ta haya parlamentarionan tin’e. Ministernan tin’e y nada no ta wordo haci di dje. Diripente un politico Hulandes ta haci uzo di e documentonan cu a entrega na Parlamento, na Ministernan y na medionan di comunicacion y hendenan cu ta mustra interes den esaki. Ta haci uzo di esaki y ta bay bagatelisa locual e persona aki a haci. Wever, como Arubiano ta indign’e ora cu e tende con nan ta papia malo di Aruba y di politica di Aruba. Pero Wever no ta sinti’e aangesproken. E no ta den e grupo di elementonan cu a comete e tipo di fechorianan cu por ehempel Otmar Oduber, cual el a denuncia. No ta di awo e ta denunci’e, sino di dos aña pasa caba, a mustra kico ta pasando den Serlimar. Ningun hende a worry. Wever sa cu tin miembronan di parlamento di MEP, tin e documentonan aki. E sa cu nan a wordo bisa, pasobra ta hendenan cu den Serlimar cu a campaña pa nan, cu a vota pa nan y cu no a haci caso di nan. Tin un dicho ta bisa cu “Politics is about survival, but at what price.” E prijs cu nan ta cobra, ta loke cu pueblo tin cu paga pe. Esey ta e esencia en realidad loke cu kier logra. Partido UPP a para semper desde su inicio pa bon gobernacion, mara man di e politiconan pa asina sigura, no un normal nobo, sino un normal miho. Esey ta loke cu UPP kier. Tur loke ta pasando awor aki, parce cu ta wordo haci den number di Covid, den nomber di un normal nobo, pero ta tur cos cu ta wordo haci ta un normal bieu. Pakico a tene conferencia di prensa A entrega un rapelbrief den dos ocasion, pero no a pone un conferencia di prensa of bay prensa. Pero e biaha aki si Segun Wever, ta haya un Otmar Oduber, kende a tene dos conferencia di prensa, unda cu den ambos ocasion, el a uza nomber di Wever. E ta kere, como un derecho fundamental cu cada ciudadano tin, ta e derecho di replica. Pero tambe, hecho ta cu e persona aki, como ex parlamentario, ta pidi un persoonlijk feit den esaki pasobra a menciona su nomber y no a haya oportunidad pa defende su mes. Den varios entrevista el a uza cu el a haya un documento di Ministerio Publico, pasobra Wever lo e entama un caso contra dje y el a sali liber. Pa refresca su memoria, Wever a haci’e den nomber di MEP como lider di fracion. E PG e tempo ey, cu e no ta persigui, pa motibo cu e ta exigi un uitspraak di parlamento. Wever, como un di e tumadonan di iniciativa pa e cambio di wetboek van strafrechten, pa haci un minister strafrechtelijk vervolgbaar, pa compromete Aruba sin un presupuesto, ta cu of sin conocemento di Parlamento. Ta pesey mentor di Otmar Oduber a wordo sentencia p’e, sin cu a bay parlamento bek, pasobra el a compromete Aruba sin tin un presupuesto p’e. Esey no tabata tin nada di corupcion ainda. Hecho pakico el a wordo persigui y sentencia ta, pa motibo cu el a haci e fout aki di compromete Aruba sin un presupuesto. Otmar Oduber ta bay sconde tras di esaki, haci como si fuera e ta liber den e caso aya, segun Wever.

LEAVE A REPLY

Please enter your comment!
Please enter your name here