Carnival ta cancela tur crucero pafo di e puertonan di Merca pa henter e zomer.

0
785

Den un comunicado publica dialuna, Carnival Cruise Line ta laga sa cu e lo cancela voluntariamente tur crucero te cu dia 30 di september di 2020, memey di e preocupacionnan
riba e pandemia di coronavirus cu ta andando. “Sigui cuida boso mes y boso sernan keri. Bo salud y siguridad ta importante pa nos, ya sea cu ta na tera of den un di nos barconan,” Carnival a bisa den un comunidado. Carnival Cruise LIne, cu ta opera for di Port Tampa Bay y t apropiedad di e compania di crucero mas grandi di mundo, Carnival Corp, previamente lo a anuncia plannan pa reanuda algun operacion na Merca pa dia 1 di augustus. E anuncio ta tuma luga tres dia despues cu e Asociacion Internacional di Liñanan di Crucero a dicidi pa extende un suspension di e operacionnan di e puertonan Mericano ta cu dia 15 di september e orden “No Sail”, lo a bay expira dia 24 di juli. “Debi na e situacion cu ta andando na Merca, relaciona cu Covid-19, e liñanan di crucero miembro di CLIA a dicidi extende voluntariamente e periodo di operacionnan suspendi di
pasahero,” CLIA a bisa, cu ta representa Royal Caribbean, Carnival Corp. y Norwegian Cruis Line, den un comunicado. “Cada biaha ta mas cla cu tin mester di mas tempo pa resolve e bareranan na e reanudacion na Merca.” E liñanan di crucero, incluyendo Carnival, a interumpi abruptamente e servicio medio maart, despues di varios informe di brote, cuarentena y morto relaciona cu coronavirus mientras nan tabata riba lama. Segun Miami Herald, por lo menos 42 mil empleado di e liña di crucero ta sigui pega riba barco sin check di pago y algun segun e informenan, ta sufri di Covid-19. E ora Carnaval lo bin bek, solamente no pa e aña aki.

LEAVE A REPLY

Please enter your comment!
Please enter your name here