Colegio Sanicolas a protesta pa urgi Minister Lampe pa anula su decision y cumpli cu su palabracion

0
238

Colegio Sanicolas no ta contento cu Minister Lampe. Ta trata aki di un cancelacion di un decision cu Minister no kier cumpli debidamente cune. Durante un protesta diahuebs mainta, Juffrouw Jasmin Tromp(docente di economia), di e comicion di docente preucupa a tuma decision di bay publico. E docentenan ta urgi Minister Lampe pa anula e MB, manera informa via su canal di media social. Minister mes a bisa cu e lo trek in e MB, pero asina mes a keda algun palabra. E MB tin hopi palabra cu ta stroba e proceso pa por cuminza un dialogo. Pues segun juffrouw Tromp, minister ta na altura di e situacion. Diaranzon dia 24 di Juni a haya e di tres MB firma pa Minister, cual ta bay contra di su mes palabracionnan haci. Pa loek ta trata e prome MB, Minister Lampe no a dialoga cu docoentenan, e di dos MB Minister Lampe a firme prome cu a dialoga cu docentenan y e di tercer MB ta consisti gran parti di e di dos MB. E di tercer MB a saca parti chikito di palabra afo. Asina aki no por bay den dialogo sincero. Den su MB tin decision tuma y ta bao imprecion cu tin hende cu a wordo nombra caba pa cierto posicionnan. Colegio Sanocilas ta desea pa mantene e rectorado actual, pa asina lage yuda den proceso pa selecta y yega na un rector nobo.

Juffrouw Tromp a sigui bisa cu nunca tabata tin un dialogo sincero cu e stakeholdersnan. Tur cos semper a wordo imponi. No mester di un team di maneho, pero mester un rectorado forma pa personanan cu tin e experiencia. Den MB menciona no tin ningun fecha skirbi di vencimento, cual segun Minister ta pa un aña so. Colegio Sanicolas ta dispuesto pa papia riba enseñansa bilingual y tin hende cu experiencia den cas. Minister ta menciona riba PEN 2030 den su MB, pero docentenan nunca a ricibi un presentacion di PEN 2030.

No tin ningun representante di Colegio Sanicolas den e coordinatie team cu ta para den e MB. E coordinatie team lo tin den su encargo e selectie. Minister a kita e palabra overname of fusie, no tin claridad si tin hende nombra caba. Comunicacion ta na prome lugar, pa despues crea un draagvlak cu tur stakeholder. Docentenan kier dialoga for di punto cero, sin wordo impone. Hunto lo mester yega na un acuerdo pa beneficia tur mucha.

Docentenan di Colegio Sanicolas no ta di acuerdo pa e hecho cu Minister Lampe kier trece Schol De Schakkel como management team na Colegio Sanicolas.

LEAVE A REPLY

Please enter your comment!
Please enter your name here