Denny’s a cera! Doño di edificio no kier coopera pa rebaha huur; Hopi empleado a perde trabao

0
4569

Recientemente e empleadonan di Denny’s a wordo confronta cu e decision di doño di e restaurant pa cera porta y manda empleadonan cas.   Segun esnan na altura di ecaso y segun cu empleadonan a wordo informa, e doño di edifcio Sr. Milton Berlinski a laga deurwaarder pone beslag riba e restaurant.  Informacion cu a wordo duna na e empleadonan ta cu e doño di edificio, esta Berlinski lo no duna ningun descuento riba prijs di huur durante coronacrisis.

Fuentenan cerca y na altura a informa SOLO cu e popular restaurant Denny’s situa dilanti Holiday Inn Hotel a anuncia ciere di e restaurant na su empleadonan y defacto a manda tur empleado cas.

E decision a bini di golpi diparti di doño di e edificio, Sr Milton Berlinski, cu na forma sin consideracion y inhumano kier sigui cobra e compania e huur di e localidad sin considera ningun descuento pa e situacion di coronacrisis, segun a wordo bisa na empleadonan.

Un empleado a laga sa cu esaki ta un actitud incomprendibel, cu ta mustra cu su persona no tin comprencion cu e crisis, y su negoshi di huur no lo perde ni 1 florin.

Berlinski kier exigi Dennys pa paga 50% di huur awor y e sobra di 50% lo mester wordo paga na Januari enadelante. Esaki ta haci cu Dennys lo mester paga 150% di huur na Januari y e siguiente lunanan di 2020. Bao di e condicionnan aki e restaurant no tin futuro.

Deurwaarder a presenta na e restaurant pa informa e doño cu e restaurant a wordo poni bao beslag diparti Berlinski y cu e doñonan mester bandona e sitio.

Ta di lamenta cu henter mundo ta pasando den crisis y Sr.Berlinski no kier coopera y asina ta laga cera e restaurant y como tal como 30 persona ta perde trabao. Dje forma aki, ta hopi compania lo bay cera porta si otro doñonan di edificio hiba e mes maneho aki cu Berlinski. Dennys a habri na Aruba den luna di Maart 2019 y como tal a keda algo mas di un aña.

LEAVE A REPLY

Please enter your comment!
Please enter your name here