Dia 3 di Juli ta manifesta na Gobernador y na Hulanda(VNO); Ministerio Publico tin dos siman sin contesta Jeffrey Schuilenburg

0
1167

Den un declaracion haci na Top 95 FM, den noticiero di Juancho Werleman, Sr. Jeffrey Schuilenburg a informa cu diaranzon tabata ya dos siman cu el’a tene un manifestacion y manera a wordo priminti, el’a keda di haya un contesta. Sr. Schuilenburg a yama Sra. Ann Angela y puntre con a bay cu e contesta priminti, pasobra e no a haya nada. E vocero no sa kico a pasa cu Sr Deutekom y el’a keda di yama bek. Segun Schuilenburg a sigui bisa: “awor tin 1 or di merdia di diaheubs y ainda e no a yama”. Segun Schuilenburg esaki ta un falta di respect pa e manifestantenan. Tabata algun pregunta basta basico hinca den e manifesto, manera kico ta e motibo di casonan pendiente, y kico te motibo di castigonan asina abao den casonan di pedofilia? Cu algun otro pregunta mas.
Jeffrey a sigui puntra su mes: si bo no por contesta den dos siman di tempo, pakico a duna nos e vergunning pa nos por a marcha, cu baricada, polis pa acompaña nos, y despues ta ignora nos completamente?
E ta un falta di respect. Sr. Schuilenburg awor no tin ningun contesta pa e manifestantenan. “Mi ta sinti hopi sorry con ministerio publico ta trata Arubiano riba su propio tera”, Jeffrey a bisa.
KICO TA E PROXIMO PASO?
E proximo paso ta bay ta un manifestacion dia 3 di July na Gobernador di Aruba y djey nos ta bay VNO ( Hulanda). E motibo pa acudi na Goberandor y na Hulanda ( VNO) ta pa boga pa e garantia cu nan ta responsabel pe cu mester tin den husticia. Nos peor enemigo cu nos tin actualmente na Aruba ta Ministerio Publico. Tur hende mester wordo trata igual y esaki no ta sosodiendo pa añas.

E unico caso cu a cana su procedura normal y wordo presenta manera mester ta, cu documento falsfica, despues el’a gana su caso, ta e caso di Endy Croes. Un compania asina grandi di Ernst & Young a traha rapport falso. Esey a cana su caso manera mester ta. Con a para cu e caso Ibis? Con a para cu e caso Avestrus? Pues tin hopi otro casonan cu no ta keda completa of ta keda na mitad. E principio di igualdad, pues un caso ta cana, otro ta keda pega. “evenredigheidsbeginsel”.
Dia 3 di Juli, Jeffrey a yama pa e siguiente manifestacion cu lo ta na Oficina di Gobernador y despues lo acudi na oficina di Gobierno di Hulanda na Aruba, cual ta e cede di VNO.

LEAVE A REPLY

Please enter your comment!
Please enter your name here