Donald Trump a activa reserva militar pa yuda operacion antinarcotico

0
615

Presidente Donald Trump a firma un ordo ehecutiva diahuebs mainta pa activa e reserva di forsanan arma di Merca pa nan sirbi e operativo antidrogas den hemisferio occidental.

Trump a autorisa e secretario di defensa pa duna ordo na e unidadnan y na miembronan individual di reserva militar pa nan ta na disposicion mesora y drenta servicio pa aumenta e forsanan activo. E intencion ta pa nan presta servicio na e operacion yama “Departamento di Defensa Antinarcotica” den hemisferio occidental. E mandatario a indica cu e autoridad aki ta necesario pa garanisa cu e Departamento di Defensa por realisa na un forma exitoso e operacionnan necesario pa cumpli cu e retonan di seguridad.

Esaki ta di dos ordo cu Trump ta duna. Na final di Maart el’a autorisa Comando Sur pa activa precencia masivo den Caribe. Awor ta extende mas forsa, usando reserva, pa tambe join e accionnan antinarcotica.

Hemisferio occidental ta encera tambe Caribe, Venezuela, pues no por descarta cu e intencion tras di e forsanan adicional aki tambe ta dirigi pa Caribe/Venezuela.

https://www.whitehouse.gov/presidential-actions/executive-order-ordering-selected-reserve-armed-forces-active-duty/

LEAVE A REPLY

Please enter your comment!
Please enter your name here