Donkey a intercepta 4200 kilo di cocaina for di Venezuela

0
1872

Operacion Donkey na Spaña a intercepta cargagacion di droga cu ta procedente di costa di Venezuela. Asina “El Nacional” a publica diaranzon.

Agentenan especialisa den e lucha contra trafico di droga a confirma cu e narconan ta probecha e pandemia di Covid-19 pa trafica droga.

E cargamento a yega Galcia den un barco cu bandera di Togo, Africa. Polis Nacional y Servicio di Vigilancia Aduanero a detene 16 tripulante. Ademas a detene 12 persona mas den cuatro boto tipo speedboat di tres y cuater motor cu tabata den cercania na costa, segun El Pais a publica.

Autoridadnan a constata cu transportacion di droga no a baha man, pero alcontrario a aumenta na momento cu polisnan ta ocupa ta contrala e pandemia.

E operativo cu a wordo yama Donkey, a wordo coordina pa e seccion number 3 di Vigo. E agentenan tabata sigur cu tras di e traficacion aki tin un grupo fuerte di narcotraficantenan di Gallegos.

Nota: Den e lunanan por a nota un aumento considerabel di traficacion di droga den Caribe. Incluso na Aruba na tres ocacion a procesa cargacionnan grandi di droga, cu tabata di 2000 kilo, 3000 kilo y ultimo un di casi 5000 kilo. Esaki ta esnan cu ta wordo gara, pero asina mes tin un gran cantidad cu ta pasa bay, manera esun aki cu a yega Spaña. Ta pa e motibo aki cu Merca a aumenta su precencia den Caribe, pa controla e aumento barbaro di traficacion di droga.

LEAVE A REPLY

Please enter your comment!
Please enter your name here