Dos adolescente Britanico ta agredi un menor di color y ta exigi pa e hinca rudia y sunchi nan sapatonan.

0
19

Na Reino Uni, polis a detene dos adolescente despues cu riba rednan social a viralisa un video caminda nan ta aparece agrediendo un menor di rasa di color y ta exigi’e pa e hinca rudia y sunchi nan sapatonan. E agresion a sosode na principio di e siman aki den e localidad Ingles di Holmfirth, condado di West Yorkshire. Riba e imagennan por a aprecia un pareha di adolescente blanco, gritando reiteradamente un hoben di color, kende hasta ta wordo bofta den dos ocasion. “Sunchi mi sapato awo. Ningun hende lo bay yudabo,” por a scucha den e video. E agresornan a wordo identifica y posteriormente deteni. “Un adolescente di 17 aña a wordo aresta bao di sospecho di agresion comun agrava pa motibonan racial y un mucha muhe di 16 aña a wordo deteni bao di sospecho di un delito di orden publico agrava pa motibonan racial. Ambos actualmente ta bao di custodia policial,” polis a comunica diahuebs. E imagennan a provoca indignacion na Reino Uni y autoridadnan local a condena e agresion, recalcando cu nan no lo tolera racismo ni cualkier otro tipo di descriminacion of acoso.

LEAVE A REPLY

Please enter your comment!
Please enter your name here