Dr. Jose Gregorio Hernandez un paso mas serca di wordo declara “Santo”

0
827

Comision vaticano a aproba milagro di Dr. Jose Gregorio Hernandez

Cede Santo finalmente a reconoce e milagro concedi via intercesion di venerable Doctor Jose Gregorio Hernandez, un di e docternan di mas stima pa Venezolanonan, cientifico di profundo vocacion religioso, reconoci pa su solidaridad cu esnan mas den necesidad y na servicio di hendenan pober. ​

“Cu inmenso alegria mei mei di e pandemia, noo ta ricibi bon noticia” Asina e comunicado di obispo di Merida y administrador Apostolico di e Arquidiócesis di Caracas, cardenal Baltazar Porras, a informa, pa asina informa cu Cede Santo finalmente a duna su aprobacion. ​

Den un video filma na e graf di e futuro beato “santo”, el a anuncia cu e Congregación pa e Causa di Santonan di Vaticano a informa cu e Comision teológica, consitiendo di siete experto, a analisa e presunto milager di Dr. Jose Gregorio, relaciona cu e curacion di e mucha Yaxury Solorzano y a aproba pa unanimidad e estudio haci riba e caso.

“Recibimos esta buena nueva como una gracia de lo alto que nos anima a seguir en oración para implorar que nuestro venerable médico sea elevado a los altares, y a continuar pidiendo por su intercesión la superación de situaciones adversas en la salud física y espiritual como la petición para que pronto cese la pandemia que azota al mundo entero”- Porras a bisa.

Despues di a comenta riba e caminda largo pa e beatificacion, ainda falta dos paso mas, un otro conseho di Plenaria di Cardenalnan y Obispo y despues e parobacion di Papa Francisco. Despues di esey Doctor Jose Gregorio Hernanez lo ta un beato, “santo”.

LEAVE A REPLY

Please enter your comment!
Please enter your name here