Dialuna huez a dicta sentencia den un caso unda Eagle Hotel & Casino a entama contra di Mediador di Gobierno, pa cu un peticion pa referendum unda trahadornan di e hotel por vota y escoge un sindicato pa representa nan.
Abogado di Eagle Resort a trece varios punto dilanti unda ta cuestiona e desicion tuma pa Mediador di dia 15 di Juni 2020, pa asina yama un referendum.
Entre otro a haci apelacion riba “vertrouwensbeginsel “, “zorgvuldheidsbeginsel”, y tambe riba coronacrisis, cu dentro di e coronacrisis e compania no por negosha un cao.
Huez a bari tur e ponencianan for di mesa y no ta mira ningun argrumento valido pa asina stop e referendum di dia 30 di Juni proximo.
Asina huez a rechasa e demanda di Eagle Hotel cual ta haci cu e trahadornan a gana, den sentido cu e hotel mester accepta e referendum unda trahadornan tin derecho di vota por haya un representacion sindical.
