Gobierno di Spaña ta concede e cambio di fase na tur e teritorionan cua pidi pa esey.

0
6

E mayor parti di e teritorionan di Spaña lo bay ta dialuna awo den e fase 3 di e proceso di transicion pa un “normal nobo”, cu excepcion di Madrid, Valencia y algun zona di Cataluña, Castilla-La Mancha y Castilla y Leon, cu lo drenta of keda den fase 2. Asina e minister Spaño di sanidad, Salvador Illa a bisa diabierna, kende a presenta e actualisacion di e mapa di e desscalada den e pais, na momento cu el a cuantifica cu “un 52% di e poblacion lo ta den fase 3.” “Esaki no ta un punto final,” el a adverti, no obstante, e minister, kende tambe a informa di e inminente aprobacion di “un decreto ley pa e normalidad nobo te ora cu tin un vacuna”. Illa tambe a probecha su comparecencia pa pone di relieve e esfuerso realisa pa e poblacion Spaño den e 82 dianan aki di e estado di alarma.” En cuanto e delimitacion di e competencianan teritorial den e fase final di e desescalada, e titular di Sanidad a aclarea cu “ta coresponde na e presidentenan di e comunidadnan pa determina, entrante fase 3, ki ora lo progresa e normalidad nobo.” “Ta un decision cu nan mester tuma,” el a subraya. E avance aki den e desescalara ta tuma luga despues cu e Ehecutivo Spaño presenta diahuebs e di dos buelta di un estudio di seroprevalencia cu a confirma e circulacion schaars di e virus den e pais y a cifra e proporcion di Spañonan cu anticurpa den solamente 5,2%.

LEAVE A REPLY

Please enter your comment!
Please enter your name here