Lopes Slot Training & Coaching a start november 2021 na Aruba. Despues di a biba y traha 32 anja na Hulanda, Boneiro y e otro islanan di BES (Saba/Statia) Richard Lopes-Slot a bolbe bek Aruba pa trese tur su experencianan pa juda Aruba bai mas dilanti. Huntu cu su pareja cu tambe tin hopi experencia nan ta bai duna trainingnan y coaching na un manera inspirativo, positive na diferente lugarnan y edifiononan bunita y tambe inspirativo na Aruba. Riba nan website www.lopesslot.nl por lesa: “Wij zorgen ervoor dat jij regie kunt nemen over jouw privé situatie en professionele toekomst.” Esey kiermeen cu nan ta bai duna training y coaching pa juda nan clientenan desarolla nan mes den nan effectividad personal y den nan trabou. Pa prepara nan mes pa un futuro mas professional, con pa presenta nan mes, con pa duna clientenan un servicio Excellente, con ta husa LinkedIn effectivo pa hanja stage of trabou mas liher y pa ser mas positivo den communicashon na otronan.

Training & Coaching cu prijs rasonabel

Na 2013 Richard y Ronald a cuminsa cu Lopes Slot Training & Coaching na Hulanda y tabata pa hopi anja un exito na Hulanda. Hopi bankonan, companianan di seguro y organisashonnan commercial tabata hasi uso di nan servicio. Pa asina juda e diferente trahadornan y bendedornan pa traha huntu den harmonia y pa sinja duna e clientenan un servicio Excellente. Richard a nace na Aruba y a keda biba y traha na Hulanda despues di su studio. A biba dos anja na Aruba, pero a dicidi di bolbe sigui studia na Hulanda pa logra mas metanan y sonjonan den su bida.

Richard Lopes-Slot MCC a caba su Master den Management, Culture and Change y ta specialisa den coaching. Richard no solamente ta un performance coach pa organisashonnan, pero tambe ta professionalisa den Life-Coaching pa juda hendenan bai pa nan sonjonan. Pa bira mas sigur di nan mes, durf mas y desarollanan mes pa un futuro mas mihor. 

Richard tin mas di 20 anja di experencia na Bankonan y companianan di Seguro, como manager, trainer y coach. Su manera di traha ta liher, effectivo y ta expert den su trabou. Como manager temporal a sa di mustra su leiderschap y a duna direccion na diferente team’s nan cu kier a realisa servicio Excellente y tambe Online banking. Ultimo Richard Lopes-Slot MCC tabata e hoofd di afdeling Heffing en Toezicht na Belastingdienst Caribisch Nederland na Boneiro, Saba y Statia.

E tin contacto ainda cu su colleganan y nan ta hanja falta di otro. Djaluna un hoofd nobo lo cuminsa na su lugar y Richard ta desea e lider nobo tur clase di exito. 

Ronald ta Hulandes tin mas di 28 anja di experencia como meneer di scol na MBO/Mavo/Havo y VWO. E ta tambe un trainer y coach di Lopes Slot Training & Coaching. E ta skirbi lesnan tambe pa scolnan y traha diferente trainingnan pa e compania. Ronald ta huntu cu Richard profesionalisa den coaching cu DISC y nan ta certifica pa duna e assessment (evaluashon), training y coaching cu e instrument aki pa juda saca perfilnan di nan clientenan.

Despues di a traha y biba 3 anja na Boneiro, Richard y Ronald a dicidi pa bin trese un biento nobo na Aruba y bin cu nan negoshi cu prijsnan abow y rasonabel pa asina juda nos hendenan desaroja y pa sina tambe nan ta serka di nan famia aki na Aruba despues di 32 anja.

DISC

E base di e formashon di e trainingnan y coaching ta DISC. DISC ta un instrumento potente y fácil pa splica durante e training y coaching. Ta wordo husa 4 color (Kora/Geel/Berde/Blauw) y cada color tin su perfil con un hende ta comporta su mes, con e ta bai om cu stress y con otro hendenan ta wak e. E método DISC ta brinda un visión directo den bo propio comportashon y e comportashon di otronan, manera bo coleganan, bo pareja, juinan, amigonan y bo famia henter. Ora bo sa bo mes comportashon, talento y comunicashon preferi, lo nos sinjabo y coach bo con pa drecha y usa bo comunicashon mas habri, mas amable y hopi mas effectivo priva y na trabou. 

Lubida conflicto cu bo coleganan, famia y amigonan, pasobra esey lo keda den pasado. Tambe como manager y organisashon lo bo ripara cu e trahadornan ta traha mas efficiente, mas motiva, mas contento, lo bende hopi mas y lo duna e klientenan un servicio Excellente. 

Nos por juda diferente HR afdeling, managersnan y companianan pa saca e DISC profile di kandidatanan cu ta sollicita riba un trabou. E ora e compania sa di adelante ta ken ta bin traha den nan compania y sa di biaha sie personan ta match cu nan vision, colleganan y e cultura di e compania. Nos trainingnan lo por wordo dunan Incompany of por kies huntu pa duna e training of coaching na lugarnan inspirativo na Aruba. Aki un tempo tambe e trainingnan y coaching lo wordo duna ONLINE pa asina por brinda nos servicio tambe na nos clientenan na e islanan BES, St. Maarten y Corsow.

Training y coaching special pa famia: Un Famia Felis!

Hopi biaha nos ta contento cu nos famia y nos ta stimanan. Ora algo pasa nos ta kla pa juda otro. Nos ta biba den harmonia y ta bishita otro varios biaha. Nos ta duna otro regaldo y expresa nos amor pa otro. Como famia, sea ta pareja cu of sin jui of un famia chiquito of grandi semper nos ta huntu y nunka ta laga otro na caya. Nos ta zorg bon pa nos juinan tin un bon futuro.

Esaki ta un situashon di famia cu nos tur ta anjela y desea. Pero no ta tur ora ta asina. Wak rond di bo. Tin ora tin problemanan den famia. Tin parejanan cu no ta confia otro mas of no ta duna otro e amor y atenshon mas. Nos no ta scucha y compronde otro mas. Juinan no kier papia cu nan mama of tata mas. Dikon? Algo a cambia, pero kiko? Kiko ta e razon?

Tin hopi razonnan. E razon cu majoria biaha ta stroba e relashon familiar ta varios biaha falta di communicashon. Famia nan no ta papia cu otro mas. Juinan ta hanja telefoon y laptop caro, pero esey no ta e solushon. Esey ta juda hala e famia mas leeuw di otro. Ki di abo a come ultimo cu bo casa y juinan na mesa? Ki dia boso a hunga un wega di domino/yatzee huntu? Ki dia tabata e ultimo biaha cu bo brasa y a bisa bo casa, jui of mama, famia cu bo stimanan? Porta bo a pense, pero bo a bise? E trainer y coachnan di Lopes Slot Training & Coaching por juda famia pa jega serka bek di otro y ser mas felis. Pa esaki lo wordo husa e DISC test pa saca afor e comportashon di cada miembro di e famia. Tur e miembronan den e familia lo sinja y praktica con pa comportanan mes na otro y compronde otro mas mihor. Ora bo sa con bo ta comporta bo mes e ora lo bo sa tambe dikon boso a crese for di otro. Esey lo ta un stap importante pa compronde otro mas mihor y trata otro cu mas respet, steun otro y stima otro mas cu nunka. Boso communicashon lo drecha y lo tin hopi menos conflicto den cas of den famia. E resultado final ta: una famia felis! 

Buki di Richard Lopes-Slot MCC: Passie, Emotie en Liefde voor de klant’ 

Na 2018, Richard a scirbi e buki na Hulandes: ‘Pashon, Emoshon y Amor pa e cliente’. Ainda e buki aki ta hopi actual, pasobra hopi companianan no ta duna e cliente e servicio Excellente.

E propósito principal di buki aki ta juda tur hende ku tin contacto cu cliente pa dunanan mas atenshon, mustra mas bo pashon pa bo trabou y e clientenan, bai om bon cu bo mes un emoshon y esun de e cliente. Y masha importante ta stim abo trabou, stim abo compania, stim abo mes y stima e clientenan. E buki ta sinja bo con pa hasi un combersashon effectivo y mas amable. 

Esey kiermeen cu bo servicio ta bira Excellente y e cliente lo sinti e esey. Y lo keda bin bek serka bo y bo compania y sigui cumpra bo productonan. E cliente ta gusta bo y bo compania pasobra di berdad e ta experencia servicio Excellente. Esaki ta significa cu despues di un contacto cu bo of compania e cliente lo dunabo un cifra di 9 of 10 (of 5 strea).  E lo keda bisa su famia, coleganan y amigonan con bon servicio e la hanja. E cliente ta bira bo embahador y e mes ta promove bo tur caminda. E buki lo splica bo full con pa jega na e servicio Excellente. 

Na e momentonan aki e buki ta na caminda pa Aruba for di Hulanda pa por ser bendi door di e boekhandelnan conosi na Aruba. Lo bin tambe cu un campanja pa prepara pa bende e buki den temporada di Sinterklaas, Pasco y Anja Nobo. E buki ta un bunita regaldo pa bo regala un hende cu ta traha cu cliente na banko, compania di seguro, na balie of telefoon di departamentonan di gobierno of tur hende cu lo kier sinja trata nan clientenan mas mihor cu un Servicio Excellente!

Aruba

Lopes Slot Training & Coaching VBA ta cuminsa na Aruba cu hopi energia y positivismo pa juda personanan tuma control di su bida priva y futuro professional. Stima bo mes mas!

No spera pa otro hende juda bo, pero juda bo mes pa bo bai dilanti. Cu nan training y coaching nan lo juda tur hende pa preparanan mes pa futuro.

Managersnan tambe por wordo juda pa trese mas harmonia y colaborashon den su teamnan. Tambe por juda structura e compania, drecha procesonan cu no ta bai bon y tambe nos por pone un manager temporalmente pa juda e otro colleganan, trainnan y coachnan temporalmente pa hiba tur e trahadornan comportashon den e linja di e strategia y sonjo di e compania.

Bishita e website pa mas informashon: www.lopesslot.nl 

of tuma contacto via +297 56 98471 of +297 5656703. 

Semper Lopes Slot Training & Coaching ta localisa via mail: info@lopesslot.nl. 

E trainer y coachnan ta kla pa juda tur hende cu ta desea den su desarollo y cu un prijs rasonabel.

LEAVE A REPLY

Please enter your comment!
Please enter your name here