Mervin Wyatt Ras: Castigonan ta bay subi mas hopi pa varios delitonan di abuso contra mucha

0
123

Mervin Wyatt Ras tambe a elabora riba e tematica di abuso di mucha diabierna mainta. Parlamento di Aruba ta tratando e aumento di castigo pa abusadornan di mucha. Cu e cambio aki, ta duna hueznan na Aruba e posibilidad pa duna mas castigo na esnan cu haci nan mes culpabel na abusa di mucha y den hopi bes haci nan mes culapbel di abuso sexual.

Segun Wyatt Ras, tin diferente forma cu ta atende of accepta abuso di mucha. Tin ves e ta wordo capta pa maestro di scol y tin ves e ta wordo capta pa mayornan mes, kendenan ta prefera di keda keto, pasobra nan no sa con pa atende cu e caso, debi cu e agresor ta den propio famia.

Victimanan pa cada fase di nan bida, ta bay bek den e trauma. Tin hendenan cu ora nan casa, nan tin trauma pa tene relacion sexual, pasobra nan no por y nan pareha no ta compronde. Tambe e sentimentonan ta bini ora di haya baby, ora cu muhernan no kier haya baby, por ta indicacion di abuso cu a sosode den nan edad hoben. Hasta tin hendenan cu ta bay den KIA ta comete actonan di violencia, pasobra nan tabata victima di abuso.

Wyatt Ras a sigui bisa cu e mes a inicia un ley na aña 2003 pa asina atende cu varios forma di abuso. E tempo ey esaki tabata un avanse grandi. Sinembargo awor na 2020 lo ta bayendo mas leu door di subi tur e castigonan maximo aki. Loke tabata 12 aña awor ta bay bira mas aña.

LEAVE A REPLY

Please enter your comment!
Please enter your name here