Marisol a reacciona riba e ‘deadline’ di Andin pe entrega retiro: ”Mi ta sorprendi y babuca pa loke a keda treci dilanti’…. Mi no ta reconce e acusacion y argrumentonan treci pa Andin Bikker.

0
423


Diabierna atardi, Minister Marisol Lopes Tromp a acudi na Gobernador di Aruba pa atende un reunion cu Gobernador a yama. Na salida, Minister Marisol a duna un declaracion na prensa: Mi ta trahando duro, y a wordo sorprendi pa un rueda di prensa yama na cede di paritdo POR caminda declaracion a wordo haci ariba mi persona. Mi a purba sigui e rueda awe mianta. Ora e videonan a cuminza sali di e conferencia, tabata momento cu mi a termina conseho di minister. Mi ta sorprendi y babuca loke a wordo treci dilanti como tambe e argurmentonan cu a wordo usa como motibo cu mi no por sigui mas den mi trabao como minist Como minister, esun cu bo mester duna cuenta na dje ta parlamento y pueblo . Na e momentonan aki mi ta minister, e organo di mas halto di nos pais, ta dicidi riba maneho di gobierno y minister y tur e tempo cu a pasa ta tarea y responsabilida di metanan cu gabinete Wever Croes a stipula pa nos haci, esaki ta mi tarea cu mi a bin tahaci. Mi no ta reconoce e acusacion of argrumentonan, treciendo dos punto;

Parke Arikok ta dicidi pa su mes;
Parke Arikok, pa esnan cu no sa, ta e Parke ta dicidi riba su maneho, ken ta drenta, ken ta sali. Ta cay hopi stranño pa trece esaki como un motibo.

Serlimar:
Pa e parti di Serlimar, ayera merdia ma pasa hunto cu directie di Serlimar sinta dos hora y mei, contestanto pregunta riba tur aspecto financiero, den un forma habri y transparente, cual reunion tabata porta cera. MI a hereda un situaciuon unda Serlimar ta technicamente falliet. Pa usa esaki como motibo cu mi tin cu baha, unda e compania, su gerencia y su board ta dicidi pa nan mes, den e caso aki, nan a dicidi cu nan ta recuri na un ‘surceance van betaling’, unda e compania ta haya un sorto di espacio pa drecha su situacion, a base di un herstelplan, cumpliendo cu peticion di CFT. CFT tambe manda puntra nos kico nos ta bay haci cu Serlimar y mi tin deadline pa contesta CFT.
Netamente haciendo tur nos esfuerso, nos a splica parlamento, tur habri cu tin, riba e situacion na Serlimar, pa un compania cu ma bin hereda den un sitaucion delicado, unda mi a bin ta rescate.

No a ricibi carta di Andin:
Ne momento aki mi no a ricibi ningun carta ainda. A ser bisa cu a manda un carta pa mi persona, pero mi no a haye. Ma wordo sorprendi durante ministerraad. Di eynan mi a wak e live na e cede. Mi no a ricibi ningun carta. Mi lo wak si e carta lo yega cerca’mi, e ora, keda pendiente pa mi reaccion.

Comunicacion:
Cu mi no tin comunicacion, esey no ta corecto. Mi tin tur sorto di comunicacion. Loke a wordo menciona cu mi no tabata disponibel, e momento ey cu tabata diasabra, mi no por tabata presente 6.or via un zoom meeting pa cosnan di partido, ta cuadra cu berdad, pasobra tabatin cumpleaños den mi famia. Djey e siguiente dia, mi no tabata den mood, pasobra a drenta noticia cu un ex campañador dimi den tempo di MEP, Sra. Bea Ras a fayece, kende tabata un fighter pami den tempo di MEP. Mi no tabata den mood pa reunion.
Esaki tabata e prome parti di reaccion di Minister Lopes Tromp na su salida for di Gobernador. Riba su conversacion cu Gobernador mes e no a divulga nada. Sinembargo nos lo no por descarta cu Gobernador di Aruba lo a atende Marisol Lopes Tromp riba e ultimo desaroyo.
MInister Marisol Lopes Tromp tin te cu 10.or di mainta, dialuna awor, pa entrega su retiro.

LEAVE A REPLY

Please enter your comment!
Please enter your name here