Minister di Energia di Trinidad bao precion; 150 mil bari di gasolin no a wordo bendi cu Aruba

0
691

E escandalo ta sigui na Trinidad, pa e 150 mil bari di gasolin cu a wordo bendi cu Venezuela, usando destinacion Aruba. Manera ta conoci Merca tin sanccion riba Venezuela y ningun compania mag di deal cu Venezuela of PDVSA. Sinembargo dia 22 di April a sali un cargacion di 150 mil bari di gasolin destinacion Aruba, cual na caminda a wordo desvia pa drenta refineria El Palito na Caracas.
Gobierno di Trinidad ta bao di critica pisa pa a coopera cu Venezuela pa asina bende gasolin bao di engaño cu ta pa Aruba. Entodo caso den e investigacion cu a wordo hiba na Trinidad, te hasta embahada Hulandes a cay aden, unda mester a confirma cu Aruba, si Aruba a cumpra, of ricibi e carga aki. Gobierno di Aruba a nenga esaki rotundamente, cu Gobierno no a cumpra ni tampoco a ricibi dicho tankero aki na Aruba unda entodo caso e gasolin ey nunca a baha na Aruba.

Trinidad awor ta bay lus di Merca pa nan cooperacion pa yuda Nicolas Maduro.

Aki un publicacion di Newsday na Trinidad. https://newsday.co.tt/2020/05/21/khan-paria-fuel-not-sold-to-aruba-govt/

LEAVE A REPLY

Please enter your comment!
Please enter your name here