Nadal ta pensa cu no mester pura cu e reinicio di e temporada.

0
11

Rafael Nadal ta enfatisa cu e temporada di tennis no mester reanuda te ora cu e hungadonan no tin ningun riesgo pa salud y tur e hungadonan por biaha libremente pa e torneonan. “Mi kier pa mi deporte ta 100 porciento husto,” e ganado Spaño di e Grand Slam a bisa diahuebs den un entrevista di video cu medionan internacional.
“E hungadonan di tennis mester compronde cu nos ta enfrenta na un situacion sin precedente. Un reinicio solamente ta posibel si tur e hungadonan por biaha cu siguridad. Nos ta un ehempel pa mundo.” Nadal hasta a haci un yamada na un vacuna contra e coronavirus “e clave” pa e reanudacion di tennis profesional. “Solamente e ora nos por biaha y hunga sin miedo. Mi sensacion awo ta cu nos mester warda un poco mas. Paso pa paso.”
Solamente hunga ora cu ta extremadamente sigur Na e momentonan aki, tur e torneonan ATP y WTA te cu juli a wordo elimina. US Open lo cuminsa dia 24 di augustus, ainda e ta riba calender, mescos cu Roland Garros.
E torneo di klei na Paris a wordo traslada pa september. “Awo, si bo pidimi pa biaha pa New York pa un torneo di tennis, mi lo bisabo cu no,” Nadal a bisa, kende a celebra su cumpleaños number 34 diaranson. “Por ta e situacion ta diferente den algun luna. Mi ta sigur cu e wega solamente lo wordo hunga den condicionnan extremadamente sigur. Si esey no ta posibel, tin sentido cu e US Open no sigui.”

LEAVE A REPLY

Please enter your comment!
Please enter your name here