Olifanti na estado ta muri despues di a come un anasa yena cu klapchi.

0
21

Un olifanti Asiatico na estado di 15 aña, a fayece dia 27 di mei, algun dia despues cu nan a dun’e un anasa yena cu klapchi pa come cerca di e Parke Nacional di Silent Valley, den e estado Indio di Kerala, autoridadnan forestal a comunica diamars. “E tabata tin su kakunbein kibra y no por a come despues di a kauw di anasa y cu el a explota den su boca,” e hefe di Guardia di Bida Silvestre di Kerala, Surendra Kumar a afirma, median local a informa. Segun el a señala riba su cuenta di FAebook, e oficial forestal Mohan Krishnan, cu a forma parti di e ekipo di rescate, e olifanti, cu a desvia na un aldea luna pasa den busca di cuminda, a cana varios dia soportando e dolor prome cu el a muri para den e riu Velliyar. “Ora cu nos a mira cu e tabata para den e riu, cu su cabes hinca den e awa,” e homber a skirbi, el a agrega: “E tabata tin un di seis sinti cu e lo a bay muri.” “E herida y lesionnan grave y incapacitante den e cavidad oral a causa un sepsis localisa (…). Esaki a provoca un dolor y un angustia insoportabel y a impedi pa e animal bebe y come durante casi dos siman,” e informe di e autopsia prelimiar a indica, cita pa India Today, cu ta detaya cu e “debilidad grave” a provoca “e fayecimento pa hogamento.” E autoridadnan forestal a identifica algun sospechoso y a aresta un persona. Kumar, sin embargo, ta sigura cu no tin prueba cu “algun hende lo a duna un anasa carga cu klapchi a proposito na e olifanti, ero e departamento ta considerando e posibilidad aki.”

LEAVE A REPLY

Please enter your comment!
Please enter your name here